پرەزيدەنت باس پروكۋراتۋرادا جيىن وتكىزدى، دەپ حابارلايدى Dalanews.kz.
مەملەكەت باسشىسىنىڭ ايتۋىنشا، ازاماتتارعا دەسترۋكتيۆتى كونتەنتتى تاراتۋدىڭ قۇقىقتىق سالدارى جونىندە ۇنەمى ءتۇسىندىرۋ جۇمىستارىن جۇرگىزگەن ءجون.
"تەحنولوگيانىڭ قارقىندى دامۋى اقپاراتتىق كەڭىستىكتىڭ تۇبەگەيلى ترانسفورماسياسىنا جول اشادى. قوعامدى جىككە ءبولىپ، ازاماتتاردى بىر-بىرىنە قارسى قوياتىن دەسترۋكتيۆتى اقپارات تاراتۋعا بەيىل ادامدار دا بار. مۇنىڭ ءبارى وشپەندىلىككە باستايتىن ەشكىمگە قاجەتسىز، ءتىپتى ءقاۋىپتى پىكىرتالاسقا جالعاسادى. جاساندى ينتەللەكتىنى وسىنداي ادامدار اقپاراتتىق قارۋعا اينالدىرىپ، زاڭعا قايشى كەلەتىن كونتەنتتەردى كوپتەپ تاراتا باستايدى. بۇعان جول بەرۋگە بولمايدى. ونداي ارەكەتتەرگە قۇقىقتىق باعا بەرىپ، جاۋاپكەرشىلىككە تارتۋ قاجەت. ازاماتتارعا دەسترۋكتيۆ كونتەنتتى تاراتۋدىڭ قۇقىقتىق سالدارى جونىندە ۇنەمى ءتۇسىندىرۋ جۇمىستارىن جۇرگىزگەن ءجون"، - دەدى پرەزيدەنت.قاسىم-جومارت توقايەۆتىڭ پىكىرىنشە، تارتىپسىزدىك پەن زاڭسىزدىققا جول بەرۋگە بولمايدى.
"ۇلتتىق قۇرىلتاي وتىرىسىندا مەن وتانشىلدىق ۇعىمى تۋرالى پىكىرىمدى ايتتىم. وتانشىلدىق بۇل جاي ۇران ەمەس، وتانشىلدىق دەگەنىمىز – قاسيەتتى سەزىم، مۇنىڭ اسىرەۇلتشىلدىققا ەش قاتىسى جوق. قازاقستاندا ءبىز وتانشىلدىق ۇعىمىنا جاۋاپكەرشىلىك جانە جاسامپازدىق تۇرعىسىنان قاراۋىمىز كەرەك، ياعني وتانشىل ازامات ەڭ الدىمەن جاۋاپكەرشىلىگى جوعارى جانە جاسامپاز ازامات بولۋعا ءتيىس. وتانعا دەگەن سۇيىسپەنشىلىك ساياسي ۇپاي جيناۋ نەمەسە قىزمەتتىك مانساپ جاساۋ ەمەس، بۇل – وتانىڭا جاقسىلىق جاساۋ، ەلىڭە پايدا اكەلۋ دەگەن ءسوز"، - دەدى توقايەۆ.
