Astanada burynǵy sheneýnik Erjan Babaqumarovtyń ólimine qatysty sot protsesi jabyq rejimde ótedi, dep habarlaidy Dalanews.kz.
Sýdia Aijan Qulbaeva sot otyrysynyń jabyq ótýine marqumnyń kámeletke tolmaǵan balalarynyń quqyqtary men múddelerin qorǵaý sebep bolǵanyn túsindirdi.
“Qaza tapqan Erjan Babaqumarovtyń 16 jáne 12 jastaǵy eki kámeletke tolmaǵan balasy bar. Sonymen qatar is adam ómirine qarsy jasalǵan asa aýyr qylmystar sanatyna jatady. Mundai isterdiń egjei-tegjeiin buqaralyq aqparat quraldarynda ashyq jariialaý qylmystyń sipaty men jasalý tásiliniń qoǵam aldynda talqylanýyna ákelýi múmkin”, – dedi sýdia.
Eske salaiyq, buǵan deiin Dalanews.kz derekkózi Erjan Babaqumarovtyń qaza bolǵanyn habarlaǵan edi.
Astananyń politsiia departamenti eks-sheneýnik Erjan Babaqumarovtyń qazasyn rastady.
Adam óltirý faktisi boiynsha qylmystyq is qozǵaldy.
Aldyn ala málimet boiynsha, burynnan tanys adamdar arasynda aýyzsha janjal týyndap, tóbeles bolǵan. Saldarynan 56 jastaǵy er adam alǵan jaraqattarynan kóz jumǵan.
