Aqmola oblysyndaǵy "Kókshetaý" memlekettik ulttyq tabiǵi parkiniń aýmaǵynda zańsyz ańshylyqpen ainalysqan azamattarǵa qatysty sot úkimi jariialandy. Bul týraly oblystyq prokýratýra málimdedi, dep habarlaidy Dalanews.kz.
Tergeý materialdaryna sáikes, úsh azamat ulttyq parktiń Zerendi filialyna qarasty qorǵaý aimaǵynda úsh elikti zańsyz atyp, tabiǵatqa aitarlyqtai ziian keltirgen. Qylmystyq is alqabilerdiń qatysýymen qaralǵan.
Aiyptalýshylar sot barysynda kinálaryn moiyndamaǵanymen, Zerendi aýdany prokýratýrasynyń memlekettik aiyptaýshysy olardyń zań buzýshylyqqa qatysy bar ekenin dáleldei aldy.
Sot sheshimimen qylmysty uiymdastyrǵan adam 6 jylǵa bas bostandyǵynan aiyryldy, al onyń eki sybailasy 2 jyl 8 ai merzimge sottaldy. Sonymen qatar, zańsyz ańshylyq kezinde paidalanylǵan kólik quraly memleket kirisine tárkilendi.
