Prezident Bas prokýratýrada jiyn ótkizdi, dep habarlaidy Dalanews.kz.
Memleket basshysy elimizde aýqymdy ózgerister jasalyp jatqanyn jáne aldymyzda Konstitýtsiialyq reforma júrgizý, múlde jańa saiasi júiege qadam basý mindeti turǵanyn aitty.
Sonymen qatar, jańa dáýirde barlyq salaǵa tsifrlandyrý men jasandy intellektini jappai engizý jumysymen belsendi túrde ainalysý qajet ekenin atap ótti.
"Keibir shet elderde bolyp jatqan qazirgi óte kúrdeli ahýaldy kórip, bul saiasatymyzdyń durystyǵyna bárimizdiń kózimiz jetip otyr, oǵan eshqandai kúmán joq. Zań men tártip memlekettik saiasatymyzdyń negizgi qaǵidaty retinde qabyldanýy kerek, bul qaǵidatty jańa Konstitýtsiiamyzǵa mindetti túrde engizý qajet dep sanaimyn. Sebebi bul eshqashan ózektiligin joǵaltpaityn, ómirsheń qaǵidat ekeni daýsyz. Bas prokýratýranyń osy saladaǵy róli asa mańyzdy. Prokýratýra qyzmetkeriniń zańnyń buzylýyna beitarap, selqos qaraýǵa quqyǵy joq", - dedi Prezident.
