QMA Ulytaý oblysy boiynsha departamenti elektrondy tutyný júielerin (veipterdi) zańsyz satý, sondai-aq tólem quralyna zańsyz qol jetkizý (dropperlik) faktisi boiynsha sotqa deiingi tergep-tekserý júrgizýde, dep habarlaidy Dalanews.kz.
2024 jyldan bastap Sátbaev qalasynyń turǵyny áleýmettik jeliler arqyly veipterdi satýdy uiymdastyrǵan. Ónimdi ótkizý qashyqtan júzege asyrylyp, jetkizilim kýrer arqyly júrgizilgen.
Veipterdi satýdan túsken qylmystyq kiristirdi zańdastyrý maqsatynda kúdikti «drop-shemany» qoldanǵan: aqshalai syiaqy úshin ol úshinshi tulǵa — dropperdiń atyna rásimdelgen banktik mobildi qosymshasyna qol jetkizgen.
Tintý barysynda 500-den astam veip tárkilendi.
Uiymdastyrýshyǵa qatysty bultartpaý sharasy retinde úiqamaq qoldanyldy.
Sottyń sanktsiiasymen onyń bank shottaryndaǵy 30,7 mln teńge kólemindegi aqshalai qarajatyna tyiym salyndy.
QR QPK-niń 201-babyna sáikes ózge aqparat jariia etýge jatpaidy.
Eske salamyz, 2025 jylǵy qyrkúiekten bastap QR Qylmystyq kodeksinde dropperlik úshin qylmystyq jaýapkershilik kózdelgen.
Atap aitqanda, banktik shotqa, tólem quralyna nemese sáikestendirý quralyna zańsyz qol jetkizýdi berý, tapsyrý nemese alý, sondai-aq úshinshi tulǵalardyń múddesine materialdyq syiaqy úshin zańsyz tólemder men aqsha aýdarymdaryn júzege asyrý qylmystyq quqyq buzýshylyq.
Qylmystyń aýyrlyǵyna, áreketterdiń sipatyna jáne alynǵan paidanyń mólsherine bailanysty QR QK-niń 232-1-baby boiynsha aiyppuldan bastap múlikin tárkilei otyryp, 7 jylǵa deiin bas bostandyǵynan aiyrý jazasy kózdelgen.
