قما ۇلىتاۋ وبلىسى بويىنشا دەپارتامەنتٸ ەلەكتروندى تۇتىنۋ جٷيەلەرٸن (ۆەيپتەردٸ) زاڭسىز ساتۋ, سونداي-اق تٶلەم قۇرالىنا زاڭسىز قول جەتكٸزۋ (دروپپەرلٸك) فاكتٸسٸ بويىنشا سوتقا دەيٸنگٸ تەرگەپ-تەكسەرۋ جٷرگٸزۋدە, دەپ حابارلايدى Dalanews.kz.
2024 جىلدان باستاپ سەتباەۆ قالاسىنىڭ تۇرعىنى ەلەۋمەتتٸك جەلٸلەر ارقىلى ۆەيپتەردٸ ساتۋدى ۇيىمداستىرعان. ٶنٸمدٸ ٶتكٸزۋ قاشىقتان جٷزەگە اسىرىلىپ, جەتكٸزٸلٸم كۋرەر ارقىلى جٷرگٸزٸلگەن.
ۆەيپتەردٸ ساتۋدان تٷسكەن قىلمىستىق كٸرٸستٸردٸ زاڭداستىرۋ ماقساتىندا كٷدٸكتٸ «دروپ-سحەمانى» قولدانعان: اقشالاي سىياقى ٷشٸن ول ٷشٸنشٸ تۇلعا — دروپپەردٸڭ اتىنا رەسٸمدەلگەن بانكتٸك موبيلدٸ قوسىمشاسىنا قول جەتكٸزگەن.
تٸنتۋ بارىسىندا 500-دەن استام ۆەيپ تەركٸلەندٸ.
ۇيىمداستىرۋشىعا قاتىستى بۇلتارتپاۋ شاراسى رەتٸندە ٷيقاماق قولدانىلدى.
سوتتىڭ سانكتسيياسىمەن ونىڭ بانك شوتتارىنداعى 30,7 ملن تەڭگە كٶلەمٸندەگٸ اقشالاي قاراجاتىنا تىيىم سالىندى.
قر قپك-نٸڭ 201-بابىنا سەيكەس ٶزگە اقپارات جارييا ەتۋگە جاتپايدى.
ەسكە سالامىز, 2025 جىلعى قىركٷيەكتەن باستاپ قر قىلمىستىق كودەكسٸندە دروپپەرلٸك ٷشٸن قىلمىستىق جاۋاپكەرشٸلٸك كٶزدەلگەن.
اتاپ ايتقاندا, بانكتٸك شوتقا, تٶلەم قۇرالىنا نەمەسە سەيكەستەندٸرۋ قۇرالىنا زاڭسىز قول جەتكٸزۋدٸ بەرۋ, تاپسىرۋ نەمەسە الۋ, سونداي-اق ٷشٸنشٸ تۇلعالاردىڭ مٷددەسٸنە ماتەريالدىق سىياقى ٷشٸن زاڭسىز تٶلەمدەر مەن اقشا اۋدارىمدارىن جٷزەگە اسىرۋ قىلمىستىق قۇقىق بۇزۋشىلىق.
قىلمىستىڭ اۋىرلىعىنا, ەرەكەتتەردٸڭ سيپاتىنا جەنە الىنعان پايدانىڭ مٶلشەرٸنە بايلانىستى قر قك-نٸڭ 232-1-بابى بويىنشا ايىپپۇلدان باستاپ مٷلٸكٸن تەركٸلەي وتىرىپ, 7 جىلعا دەيٸن باس بوستاندىعىنان ايىرۋ جازاسى كٶزدەلگەن.
