Qazaqstanda Nipah virýsyn juqtyrý, sondai-aq, ony el aýmaǵyna ákelý jaǵdaiy tirkelgen joq, dep habarlaidy Dalanews.kz.
Densaýlyq saqtaý ministrligi málimetinshe, qazir eldegi epidemiologiialyq jaǵdai turaqty jáne baqylaýda.
"Profilaktika maqsatynda jáne Úndistandaǵy Nipah virýsy boiynsha epidemiologiialyq jaǵdaiǵa bailanysty QR Densaýlyq saqtaý ministrligi Memlekettik shekara arqyly barlyq ótkizý beketinde sanitariia-karantin baqylaýyn kúsheitti. Úndistannan jáne aýrý tirkelgen Ońtústik-Shyǵys Aziianyń basqa elderinen kelgen adamdarǵa erekshe nazar aýdarylady. Osy infektsiia boiynsha qolaisyz elderdiń tizbesi turaqty negizde qaita qaralady jáne jańartylady", - dep jazylǵan habarlamada.
Vedomstvo aqparatyna súiensek, meditsinalyq uiymdar daiyn.
"Shuǵyl meditsinalyq kómek jáne infektsiialyq statsionarlar daiyn, dárilik zattardyń, jeke qorǵaný quraldarynyń jáne dezinfektsiialaý quraldarynyń qory jasaqtaldy", - dep jazylǵan habarlamada.
DSM endemiialyq elderge sapar shegýdi josparlap otyrǵan azamattarǵa jeke profilaktika sharalaryn saqtaýdy, elge kelgennen keiin aýrý belgileri paida bolsa, dereý meditsinalyq kómekke júginýdi usyndy.
Aita keteiik, Nipah virýsy zoonoz infektsiiaǵa jatady. Ol adamǵa janýarlardan, sonyń ishinde jarqanattar men shoshqalardan, aýrý juqtyrǵan adammen tyǵyz bailanystan juǵady. Lastanǵan taǵamdar men sýsyndar arqyly da berilýi múmkin.
Aýrý joǵary temperatýra, bas aýrýy, jalpy álsizdik, al aýyr jaǵdailarda ortalyq nerv júiesi zaqymdalýy jáne pnevmoniia arqyly kórinedi. Búginde Nipah virýsyna qarsy arnaiy em jáne maquldanǵan vaktsina joq.
