Parijde frantsýz aktrisasy Brijit Bardonyń jeke zattary aýktsionda shamamen 1 million eýroǵa satyldy. Uiymdastyrýshylar bul zattardan 50 myń eýro túsedi dep boljaǵan, alaida túsken qarjy odan 20 esege jýyq kóp boldy, dep habarlaidy dalanews.kz.
Sen-Trope men Parijdegi úilerinen alynǵan 285 buiymnyń arasynda kiim, áshekei, jihaz, aktrisanyń ózi salǵan portretteri men mýzykalyq aspaptary bar. Uiymdastyrýshylar barlyq zattyń bastapqy qunyn shamamen 50 myń eýroǵa baǵalaǵan.
Aýktsiondaǵy eń qymbat buiymdardyń biri Bardonyń ózi salǵan portreti boldy. Ol 40 myń eýroǵa satyldy. Reseilik satyp alýshy eki it qarǵybaýy úshin 9,4 myń eýro tóledi. Al jazý mashinkasy 4,6 myń eýroǵa, eki gitara tiisinshe 8,6 myń jáne 1,9 myń eýroǵa ótti.
Túsken qarjynyń bir bóligi Bardo qurǵan janýarlardy qorǵaý qoryna, qalǵany onyń uly Nikolia-Jak Sharrege beriledi. Qor basshylyǵy aýktsiondy aktrisanyń 1987 jyly óz qundy zattaryn satyp, qor qurýǵa qarajat jinaǵan isiniń jalǵasy dep sipattady.
Alaida aktrisanyń jubaiy Bernar d’Ormal saýdaǵa qarsy shyqqan. Onyń pikirinshe, jeke zattar Bardo murasynyń bir bóligi retinde saqtalýy kerek edi.
Aita keteiik, Brijit Bardo 2025 jyldyń jeltoqsanynda 91 jasynda dúnieden ótti.
