Allur avtomobıl kompanıasynyń quramyna kiretin Chevrolet brendi 2025 jyldy Qazaqstannyń eń myqty jáne tanymal avtomobıl brendteriniń biri mártebesinde aıaqtady, dep habarlaıdy Dalanews.kz.
Jyl qorytyndysy boıynsha Chevrolet 38 880 avtomobıl satyp, qazaqstandyq naryqta usynylǵan barlyq avtomobıl brendteri arasynda ekinshi orynǵa ıe boldy. Ótken jylmen salystyrǵanda brendtiń satylymy 25%-dan astam kórsetkishke ósti.
Jyldyń eń mańyzdy jetistikteriniń biri - qarashanyń rekordtyq kórsetkishi boldy, onda bir aıda 7777 Chevrolet kóligi satyldy. Mundaı joǵary kórsetkishke alǵash ret bir brend qol jetkizdi.
Satyp alýshylar tarapynan senimniń negizgi sımvoly retinde - Chevrolet Cobalt bolyp qala beredi, bul model bes jyl qatarynan Qazaqstandaǵy barlyq avtomobılder arasynda satý boıynsha birinshi oryndy ıelenedi. Ótken jyly Cobalt taǵy da eldiń eń kóp satylatyn kóligi boldy: 31 802 avtomobıl satyldy.
Chevrolet-tiń jetistikke jetýinde jergilikti óndiris mańyzdy ról atqarady. Qazaqstandyq naryqqa arnalǵan brendtiń barlyq avtomobılderi, Cobalt pen Onix úlgilerin qosa alǵanda, General Motors tehnologıalaryn qoldana otyryp, Qostanaıdaǵy Allur zaýytynda shyǵarylady. Zamanaýı óndiristik prosester, robottalǵan jeliler jáne sapany baqylaýdyń qatań standarttary avtomobılderdiń senimdiligi men halyqaralyq talaptarǵa sáıkestigin qamtamasyz etedi.
2025 jyl Allur quramyndaǵy brendti damytý turǵysynan da mańyzdy kezeń boldy. Kompanıanyń portfelinde Chevrolet bes jyl bolǵanyn atap ótti, osy ýaqyt ishinde ol óz pozısıasyn edáýir nyǵaıtty jáne naǵyz halyqtyq degen mártebesin bekitti. Brend ári qaraı da naryqtaǵy qatysýyn keńeıtýdi jáne tutynýshylarǵa jańa múmkindikter usynýdy jalǵastyrýda.
«2025 jyl Chevrolet-tiń senimdi brend ekenin rastady. Kobálttyń bes jyldyq kóshbasshylyǵy, brendtiń joǵary pozısıalary jáne satylymnyń rekordtyq kórsetkishteri bizdiń klıentterimizdiń tańdaýy men búkil komandanyń úılesimdi jumysynyń nátıjesi boldy. 2026 jyly biz brendtiń pozısıasyn nyǵaıta otyryp jáne satyp alýshylarǵa odan da kóp múmkindikter usyna otyryp, brend damytýdy jalǵastyramyz», - deıdi Chevrolet Kazakhstan dıstrıbýsıasynyń dırektory Mark Nojnenko.
Brendtiń damýy tek komersıalyq kórsetkishterde ǵana emes, sonymen qatar eldiń sporttyq jáne qoǵamdyq ómirine belsendi qatysýda da kórinedi. Jyldyń mańyzdy oqıǵasy Sokol International Circuit avtodromynda ótken Cobalt Challenge jobasy boldy. İs-shara aıasynda alǵash ret arnaıy aınalma jarystarǵa arnalǵan Chevrolet Sobalt jańa jarys platformasy synaldy. Joba jańa ulttyq klasty qurýǵa jáne 2026 jylǵa josparlanǵan Cobalt Cup chempıonatyn bastaýǵa negiz saldy.
Avtosporttan basqa, Chevrolet basqa da mańyzdy sporttyq baǵyttardy dáıekti túrde qoldaıdy. Ótken jyl ishinde brend Octagon MMA-lıgasynyń resmı seriktesi boldy, sondaı-aq Qazaqstannyń basty sporttyq rámizderiniń biriniń seriktesi retinde qala otyryp, «Barys» hokeı klýbymen yntymaqtastyqty jalǵastyrdy.
2026 jyl bastalýynan Chevrolet klıentter úshin arnaıy sharttardy usyndy. 2025 jylǵy Chevrolet Cobalt jáne Onix avtomobılderi bıylǵy jyldyń uqsas modelderimen salystyrǵanda 600 000 teńgege deıingi paıdamen qoljetimdi. Avtokólikter jańa bolyp qalady jáne olardyń sıpattamalary men jabdyqtalý deńgeıi tolyǵymen saqtalǵan; aıyrmashylyq tek shyǵarylǵan jyly men qunynda. Avtokólikterdiń sany shekteýli.
