Qyzylorda oblysynyń Aral aýdanyndaǵy túie sútinen qurǵaq untaq shyǵaratyn zaýyt qurylysymen oblys ákimi Nurlybek Nálibaev tanysty, dep habarlaidy Dalanews.kz
Joba bastamashysy «Qazaq Camel» JShS 392 tonna ónim shyǵarady dep josparlanýda. Zaýyt qurylysyna 3 mlrd. teńge qarjy salynǵan. Onyń 1,8 mlrd. teńgesi memleket qoldaýy, iaǵni jeńildetilgen nesie, 1,2 mlrd. teńgesi jeke qarajat esebinen. Osy jyldyń naýryz aiynda iske qosylyp, 23 adam jumyspen qamtylady.
Negizgi óndiristik ǵimarattyń qurylysy men qondyrǵylardy ornatý 90% aiaqtalǵan. Qazirgi tańda montajdaý jumystary júrgizilýde.
Eske salaiyq, ótken jyldyń qorytyndysymen óńdeý ónerkásibi salasynda 406,3 mlrd.teńgeniń ónimi óndirilip, kórsetkish 6,4%-ǵa ósti. Naqty aitsaq, tamaq ónimderin óndirý 3,4%-ǵa, munai óńdeý ónimderiniń óndirisi 5,2%-ǵa, jihaz ónerkásibi 43,6%-ǵa, jeńil ónerkásip 12,4%-ǵa, himiia ónerkásibi 2,7%-ǵa, qurylys indýstriiasy 4,3%-ǵa, rezeńke jáne plastmassa buiymdar óndirisi 1,7%-ǵa artty.
