قىزىلوردا وبلىسىنىڭ ارال اۋدانىنداعى تٷيە سٷتٸنەن قۇرعاق ۇنتاق شىعاراتىن زاۋىت قۇرىلىسىمەن وبلىس ەكٸمٸ نۇرلىبەك نەلٸباەۆ تانىستى, دەپ حابارلايدى Dalanews.kz
جوبا باستاماشىسى «Qazaq Camel» جشس 392 توننا ٶنٸم شىعارادى دەپ جوسپارلانۋدا. زاۋىت قۇرىلىسىنا 3 ملرد. تەڭگە قارجى سالىنعان. ونىڭ 1,8 ملرد. تەڭگەسٸ مەملەكەت قولداۋى, ياعني جەڭٸلدەتٸلگەن نەسيە, 1,2 ملرد. تەڭگەسٸ جەكە قاراجات ەسەبٸنەن. وسى جىلدىڭ ناۋرىز ايىندا ٸسكە قوسىلىپ, 23 ادام جۇمىسپەن قامتىلادى.
نەگٸزگٸ ٶندٸرٸستٸك عيماراتتىڭ قۇرىلىسى مەن قوندىرعىلاردى ورناتۋ 90% اياقتالعان. قازٸرگٸ تاڭدا مونتاجداۋ جۇمىستارى جٷرگٸزٸلۋدە.
ەسكە سالايىق, ٶتكەن جىلدىڭ قورىتىندىسىمەن ٶڭدەۋ ٶنەركەسٸبٸ سالاسىندا 406,3 ملرد.تەڭگەنٸڭ ٶنٸمٸ ٶندٸرٸلٸپ, كٶرسەتكٸش 6,4%-عا ٶستٸ. ناقتى ايتساق, تاماق ٶنٸمدەرٸن ٶندٸرۋ 3,4%-عا, مۇناي ٶڭدەۋ ٶنٸمدەرٸنٸڭ ٶندٸرٸسٸ 5,2%-عا, جيھاز ٶنەركەسٸبٸ 43,6%-عا, جەڭٸل ٶنەركەسٸپ 12,4%-عا, حيمييا ٶنەركەسٸبٸ 2,7%-عا, قۇرىلىس يندۋستريياسى 4,3%-عا, رەزەڭكە جەنە پلاستماسسا بۇيىمدار ٶندٸرٸسٸ 1,7%-عا ارتتى.
