الماتىدا 23-25 قىركٷيەك ارالىعىندا ٶسٸمدٸك پيتومنيكتەرٸ جٶنٸندەگٸ ورتالىق ازييا قاۋىمداستىعىنىڭ (ٶپجوا) IV كونفەرەنتسيياسى جەنە Green Spaces Expo 2026 حالىقارالىق كٶرمەسٸ ٶتۋدە. ٸس-شارانىڭ اشىلۋ سالتاناتىنا الماتى قالاسى ەكٸمٸنٸڭ بٸرٸنشٸ ورىنباسارى الماسحان سماتلاەۆ قاتىستى, دەپ حابارلايدى dalanews.kz.
كونفەرەنتسيياعا قالالىق ەكٸمدٸكتەردٸڭ, ٶسٸمدٸك پيتومنيكتەرٸ مەن باۋ-باقشا ورتالىقتارىنىڭ ٶكٸلدەرٸ, سەۋلەتشٸلەر, ۋربانيستەر, لاندشافت سالاسىنىڭ ماماندارى, عالىمدار جەنە تٷرلٸ ەلدەردەن كەلگەن كومپانييالار قاتىسۋدا. بيىل كٶرمەگە 15 ەلدەن 80-نەن استام ەكسپونەنت قاتىسىپ وتىر. كٶرمە ٶسٸمدٸك پيتومنيكتەرٸ, كٶگالداندىرۋ, سونداي-اق قوعامدىق جەنە جەكە كەڭٸستٸكتەردٸ اباتتاندىرۋ مەسەلەلەرٸنە ارنالعان.
الماتى ٷشٸن مۇنداي ٸس-شارانى ٶتكٸزۋ قالالىق ورتانى دامىتۋ باعىتىندا تەجٸريبە الماسۋعا جەنە زاماناۋي شەشٸمدەرمەن تانىسۋعا مٷمكٸندٸك بەرەدٸ. باعدارلاما اياسىندا جاسىل ايماقتاردى جوبالاۋ جەنە كٷتٸپ ۇستاۋ, كليماتتىق جاعدايلاردى ەسكەرە وتىرىپ ٶسٸمدٸكتەردٸ تاڭداۋ, سۋارۋ جٷيەلەرٸ مەن جاڭبىر سۋىن ساقتاۋ, سونداي-اق تۇراقتى قوعامدىق كەڭٸستٸكتەردٸ قالىپتاستىرۋ تەسٸلدەرٸ تالقىلانۋدا.
باعدارلامانىڭ ماڭىزدى بٶلٸگٸ پراكتيكالىق وقىتۋعا ارنالعان. قالانى كٶگالداندىرۋدى باسقارۋ سالاسىنداعى ماماندار ٷشٸن قارقىندى وقىتۋ كۋرستارى مەن سەمينارلار ۇيىمداستىرىلىپ, وندا مەردٸگەرلەرمەن جۇمىس ٸستەۋ, وتىرعىزۋ ماتەريالدارىن تاڭداۋ, ٶسٸمدٸكتەردٸ وتىرعىزۋ جەنە كٷتٸپ-باپتاۋ, سونداي-اق ورىندالعان جۇمىستاردىڭ ساپاسىن باقىلاۋ مەسەلەلەرٸ قاراستىرىلادى. سونىمەن قاتار «اشىق ميكروفون» فورماتى ۇيىمداستىرىلعان. ەكٸ ساعاتتىق سەسسييا بارىسىندا قاتىسۋشىلار جەتەكشٸ ساراپشىلارعا سۇراق قويىپ, سالاداعى ناقتى تەجٸريبەلٸك كەيستەردٸ تالقىلاي الادى.
كونفەرەنتسييامەن قاتار «اتاكەنت» كٸبس اۋماعىندا Green Spaces Expo 2026 حالىقارالىق كٶرمەسٸ ٶتۋدە. مۇندا قازاقستان, رەسەي, گەرمانييا, نيدەرلاند, پولشا, بەلگييا, تٷركييا, ٶزبەكستان, قىرعىزستان, قىتاي جەنە باسقا دا ەلدەردەن كەلگەن پيتومنيكتەر مەن ٶندٸرۋشٸلەر ٶز ٶنٸمدەرٸ مەن شەشٸمدەرٸن تانىستىرۋدا.
باعدارلامانىڭ قورىتىندىسى 25 قىركٷيەكتە ٶتەتٸن Green Expert پراكتيكالىق كٷنٸمەن اياقتالادى. قاتىسۋشىلار الماتىداعى جٷزەگە اسىرىلعان قالالىق كٶگالداندىرۋ نىساندارىن, باس بوتانيكالىق باقتى ارالاپ, جاسىل جەلەكتەردٸ كٷتٸپ-باپتاۋ بويىنشا شەبەرلٸك ساباقتارىنا قاتىسادى.
كونفەرەنتسييا الماتى قالاسى, تيميريازەۆ كٶشەسٸ, 42, 1 كورپۋس مەكەنجايىنداعى «اتاكەنت» كٸبس-تٸڭ «باقشاساراي» قابىلداۋ ٷيٸندە ٶتۋدە.
