Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

QazUÝ-da injenerlik saladaǵy áielder tájiribe almasty

Dalanews
QazUÝ-da injenerlik saladaǵy áielder tájiribe almasty
   Ál-Farabi atyndaǵy QazUÝ-da «Injenerlik saladaǵy qazaqstandyq áielderdiń máseleleri men bolashaǵy» taqyrybynda halyqaralyq vorkshop ótti.

Is-shara IEEE – Elektrotehnika jáne elektronika injenerleri institýtynyń, atap aitqanda IEEE Women in Engineering (WIE)- IEEE músheleri men eriktileriniń jahandyq jelisiniń qoldaýymen uiymdastyryldy.

Tájiribelik seminarǵa belgili áiel ǵalym-zertteýshiler, injenerlik sala basshylary, doktoranttar men magistranttar, óndiris ókilderi qatysty. Kezdesýde Ál-Farabi atyndaǵy QazUÝ-dyń ǵylymi-innovatsiialyq qyzmet jónindegi prorektory Jámila Aitjanova  atalǵan sharanyń injeneriia men ǵylym salasyndaǵy áielderdiń múmkindigin arttyryp, akademiialyq bilimderin jetildirýge, maman retinde qalyptasyp, damýyna arnalǵanyn atap ótti.

«QazUÝ BUU turaqty damýynyń 17 maqsatyn, atap aitqanda TDM 5 – genderlik teńdikti belsendi júzege asyrýda. Búginde QazUÝ-da 5107 adam jumys isteidi, onyń 3483-i áielder qaýymy. Ýniversitette injenerlik mamandyqtar boiynsha 2000 stýdent oqidy, onyń 838-i qyz balalar. Sheberlik sabaq aiasynda zertteýshiler, ǵalymdar men sala mamandary injeneriianyń túrli salalaryndaǵy áielderge qatysty máseleler boiynsha tájiribe almasatyn bolady», – dedi prorektor J.Aitjanova.

Jiynda sóz sóilegen Lissabon ýniversitettik institýtynyń aqparattyq ǵylymdar jáne tehnologiialar salasyndaǵy PhD baǵdarlamasynyń direktory, Portýgaliiada IEEE Instrumentation & Measurement Society qaýymdastyǵynyń jetekshisi, professor Oktavian A.Postolake sóz sóilep, áielderdiń ǵylym men qoǵamdaǵy erekshe róli men úlken áleýetine toqtaldy.

Otyrys barysynda qatysýshylar injeneriianyń ártúrli salalaryndaǵy áiel zertteýshilerdiń baiandamalary tyńdaldy. Qazaqstan-Britan tehnikalyq ýniversitetiniń professory Pakizar Shamoi «Kedergilerdi eńserý: injenerlik saladaǵy áielder – problemalar men múmkindikter» taqyrybyndaǵy baiandamasynda genderlik teńdikke qatysty ózekti máselelerdi taldady.


Ál-Farabi atyndaǵy QazUÝ-dyń Biofizika, biomeditsina jáne neiroǵylym kafedrasynyń meńgerýshisi, professor Almira Qustybaeva «Mi isikteri bar naýqastarda kognitivti fýnktsiialardy kartaǵa túsirý úshin fýnktsionaldy MRT» taqyrybynda baiandama jasady. Aita ketý kerek, Almira Melsqyzy JFDP (AQSh), Tempus (Ulybritaniia), Fulbright (AQSh) granttary jáne QR Prezidentiniń granty boiynsha Finliandiianyń Týrký qalasynda taǵylymdamadan ótti. Aǵymdaǵy jyly professor A.Qustybaeva QazUÝ janynan tanymdyq neiroǵylym ortalyǵyn qurdy.

Sheberlik sabaq aiasynda ótken interaktivti sessiialarda qatysýshylar kelissózderdiń tiimdi ádisteri men jelilik ǵylymi bailanystardy jaqsartý jáne injenerlik salaǵa qatysty ózekti máselelerdi talqylady.

Birlesken is-sharany Ál-Farabi atyndaǵy QazUÝ, Nazarbaev ýniversiteti, IEEE Women in Engineering in Kazakhstan qaýymdastyǵy birlesip uiymdastyrdy.

 Ál-Farabi atyndaǵy QazUÝ-dyń Baspasóz qyzmeti
Madina Sádýaqasova

Oqi otyryńyz