AQSh Ýkrainaǵa alys qashyqtyqqa arnalǵan “Tomagavk” qanatty zymyrandaryn berý máselesin qarastyrmaidy. Bul týraly AQSh prezidenti Donald Tramp málimdedi, dep habarlaidy Dalanews.kz.
Tramp qazirgi kezeńde Ýkrainaǵa “Tomagavk” zymyrandaryn berý múmkindigi qarastyrylmaitynyn rastady.
Aq úi basshysy bul týraly 2 qarasha, jeksenbi kúni Air Force One ushaǵynda jýrnalistiń suraǵyna jaýap berý kezinde aitty.
“Joq, shyn máninde, joq”, - dedi Aq úi basshysy osyndai jetkizilimderdiń yqtimaldyǵyna qatysty suraqqa jaýap berip.
Eske salaiyq, buǵan deiin Tramp Kiev suraǵan alys qashyqtyqtaǵy “Tomagavk” zymyrandaryn berýge áli daiyn emes ekenin málimdegen edi. NATO-nyń Bas hatshysy Mark Riýttemen kezdesý kezinde jýrnalisterdiń suraqtaryna jaýap bergen ol, ýkrainalyqtarǵa bul zymyrandardy meńgerý úshin kem degende alty ai qajet bolatynyn atap ótken.
