Qaraǵandy qalalyq sotynda qazaq halqyn qorlady degen kúdikke ilingen Alika Muhamadievanyń isi boiynsha sońǵy sot otyrysy ótip jatyr, dep habarlaidy Dalanews.kz.
Qaz365 málimetinshe, sotta Alika sońǵy sózin aitty.
«Óte qatty uialyp turmyn. Óz kinámdi tolyq moiyndaimyn. Aitqan sózderim úshin ókinemin jáne barsha qazaq halqynan keshirim suraimyn. Meniń kishkentai qyzym bar, sony eskerseńizder deimin. Buryn maqsat qýyp júrip, eń mańyzdysyn joǵaltqanymdy endi túsindim. Qyzymdy qushaǵyma alý úshin bárin berýge daiynmyn», – dedi Muhamadieva.
Eske salsaq, 2025 jyldyń jazynda Threads áleýmettik jelisinde Alika Mýhamadieva salǵan postardyń qazaqstandyqtarǵa qatysty qorlaityn sózder bar degen shaǵymdardan keiin tergeý nysanyna ainaldy. Shilde aiynda ol qamaýǵa alynyp, is materialdary tergeý organdaryna joldanǵan bolatyn.
Kásipker buǵan deiin kinásin ishinara moiyndap, aitqan sózderi konteksten úzip alynǵanyn málimdegen edi. Ol kópshilikten keshirim surap, eshkimniń namysyna tiiýdi maqsat etpegenin atap ótken.
Prokýror Muhamadievany 4,5 jylǵa sottaýdy suraǵan.
