FlyArystan áýe kompaniiasynyń FS7341 reisi boiynsha Astana – Qostanai baǵytyna ushqan áýe kemesi Qostanaidaǵy aýa raiynyń nasharlaýyna bailanysty ushý áýejaiyna qaita oralýǵa májbúr boldy, dep habarlaidy Dalanews.kz.
Áýe kompaniiasynyń baspasóz qyzmeti habarlaǵandai, keiin reis qardan ushý-qoný jolaǵyn tazalaý jumystaryna bailanysty áýejaidyń ýaqytsha jabylýyna orai da keiinge shegerildi.
«FS7342 Qostanai – Astana reisi Qostanaiǵa ushqan áýe kemesiniń kesh qaitýyna bailanysty keshiktirildi. Eske salamyz, FlyArystan reisteri ainalymdyq júie boiynsha oryndalady, sondyqtan bir reistiń keshigýi kelesi reiske de áser etýi múmkin», - dep málimdedi áýe kompaniiasy.
Astanadan ushqan ushaqtyń keri qaitýy Qostanai – Astana FS7342 baǵytynyń da keshigýine sebep boldy, óitkeni FlyArystan kompaniiasy ainalymdyq ushý júiesimen jumys isteidi, iaǵni sol ushaq Qostanaiǵa qonǵan soń keri baǵytta ushýy tiis bolǵan.
«FS7341 reisiniń jolaýshylaryna sýsyndar men ystyq tamaq berildi. FS7342 reisiniń jolaýshylaryna suraý boiynsha qonaqúide ornalastyrý múmkindigi usynylady. FS7341 (Astana – Qostanai) reisiniń ushýy saǵat 17:05-ke, al FS7342 (Qostanai – Astana) reisiniń ushýy 18:50-ge josparlanǵan», - dep habarlady áýe kompaniiasynyń ókilderi.
