Aldaǵy kúnderi boljanǵan jaýyn-shashyn men kóktaiǵaqqa bailanysty Almaty qalasynyń kommýnaldyq qyzmetteri kúsheitilgen rejimine aýystyryldy, dep habarlaidy Dalanews.kz.
Qalalyq infraqurylymnyń qaýipsiz ári úzdiksiz qyzmetin qamtamasyz etý úshin arnaiy mekemeler táýlik boiy kezekshilikke qoiyldy. Bul týraly Almaty qalalyq kommýnaldyq infraqurylym jáne turǵyn úi inspektsiiasy basqarmasy habarlady.
«Qazgidromet» RMK dereginshe, 4 qarasha kúni saǵat 3:00-ten 20:00-ge deiin jalpy 5-6 mm kóleminde jańbyr jaýady. Aýa temperatýrasy túnde jáne kúndiz +5…+7 °S, deiin tómendeidi. 5 qarashada – aýyspaly bultty, kei jerlerde jańbyr men qar túrindegi jaýyn-shashyn (qalyńdyǵy 10 mm-ge deiin), kóktaiǵaq bolady. Aýa temperatýrasy túnde -3…-5 °S, kúndiz +1…+3 °S shamasynda.
«Almaty Tazalyq» kásiporyndarynyń bazalarynda júrgizýshiler, mehanizatorlar men jumysshylar táýlik boiy kezekshilik atqarady. Qar túspei turyp, magistraldyq kóshelerge aldyn ala suiyq reagentter sebiledi. Qazirgi tańda qala aýmaǵynda 204 qum shashqysh tehnika daiyn tur.
Jalpy, táýlik boiǵy jumysqa 580 arnaiy tehnika men 2500-den astam jumysshy jumyldyrylǵan. Aýla ishindegi aýmaqtardy tazalaýǵa 307 tehnika jáne 1500 jumysshy, al saiabaqtar men skverlerdi kútip ustaýǵa 550 tehnika men 1900 qyzmetker qatysady. Qalanyń kóshe-jol jelisin baqylaý jáne kóktaiǵaqty der kezinde joiý úshin 75 patrýldik brigada kezekshilik etedi.
Sonymen qatar, Almaty qalasynyń Qutqarý qyzmeti de kúsheitilgen rejimde jumys istep tur. Qyzmet quramynda 1 assenizator kóligi, 15 motopompa jáne 50 qutqarýshy bar.
Aýdan ákimdikterinde kommýnaldyq jumystardyń barysyn baqylaý jáne qyzmetterdiń ózara is-qimylyn úilestirý maqsatynda táýlik boiǵy kezekshilik uiymdastyrylǵan.
Qar tazalaý kezeńinde jol boiyna nemese jiegine qoiylǵan kólikterdi ýaqytsha kóshirý úshin 63 evakýator men manipýliator (Politsiia departamentinen – 13, Qutqarý qyzmetinen – 20, «Almaty parkingten» – 30) jumyldyrylady.
Turǵyndarǵa arnalǵan eskertpeler:
Jol men trotýarda kóktaiǵaqtyń túzilýine bailanysty qala turǵyndarynan barynsha saqtyq sharalaryn saqtaýdy suraimyz.
Kólik júrgizýshilerine qozǵalys jyldamdyǵyn tómendetip, qaýipsiz araqashyqtyqty saqtaý, kúrt burylys pen tejeýden aýlaq bolý, tejeý jolynyń uzaratynyn eskerý, qysqy dóńgelekterdi der kezinde aýystyrý qajet.
Júrgizýshilik tájiribesi az azamattarǵa jeke kólikti ýaqytsha paidalanbaýǵa jáne qoǵamdyq kólikke basymdyq berýge keńes beremiz. Sonymen birge kólikti qysqy dóńgelekke ýaqytyly aýystyrmaǵan jaǵdaida ákimshilik jaýapkershilik qarastyrylatynyn eske salamyz.
Júrginshilerge trotýarlar men júrginshiler ótkelderinde abai bolý, tabany taimaityn aiaq kiim kiiý, eńis, ór jáne baspaldaqta saqtyq tanytý qajet. Qaýipsizdik saqtańyz.
