Salatanatty rásimge Qazaqstan Respýblıkasy Kólik mınıstriniń orynbasary Talǵat Lastaev, SCAT áýe kompanıasynyń prezıdenti Vladımır Denısov, Serbıa Respýblıkasynyń Qazaqstandaǵy Tótenshe jáne Ókiletti elshisi Vladımır Iovchıch jáne Nursultan Nazarbaev atyndaǵy halyqaralyq áýejaı basqarma tóraǵasynyń birinshi orynbasary Rýslan Pyshtanov qatysty, dep habarlaıdy Dalanews.kz.

Tikeleı qatynasty iske qosý týraly kelisimge Qazaqstan Prezıdenti Qasym-Jomart Toqaevtyń Serbıaǵa sapary kezinde qol jetkizildi. Joba Qazaqstan Respýblıkasy Syrtqy ister mınıstrliginiń jáne Serbıadaǵy Qazaqstan elshiliginiń qoldaýymen múmkin boldy.

Belgradqa kelgennen keıin qazaqstandyq delegasıany Serbıa Prezıdenti Aleksandr Výchıchtiń tapsyrmasymen Serbıa Ulttyq jınalysynyń spıkeri Ana Brnabıch jáne Kólik mınıstriniń orynbasary Verıka Echmenısa qarsy aldy.

"Astana men Belgrad arasyndaǵy tikeleı reısterdiń ashylýy Qazaqstan men Serbıa arasyndaǵy baılanysty nyǵaıtýdaǵy mańyzdy qadam bolyp tabylady. Jańa baǵyt bizdiń halyqtarymyz arasyndaǵy bıznes, týrızm jánemádenı yntymaqtastyq úshin jańa ashady", – dep atap ótti Talǵat Lastaev óz sózinde.

Qazaqstan men Serbıa arasynda vızasyz rejım bar. Ushý uzaqtyǵy - 5 saǵat 40 mınýt. Bul baǵyt boıynsha jolaýshylarǵa joǵary suranys kútilýde– alǵashqy reıste 92 jolaýshy boldy.

Astana-Belgrad-Astana reısteri aptasyna eki ret (dúısenbi jáne beısenbi) zamanaýı Boeing 737 ushaqtarymen oryndalady.

SCAT Airlines qazirgi ýaqytta eýropalyq qalalarǵa da reıster oryndaıdy:

Astana - Praga – aptasyna eki ret (seısenbijáne senbi);

Shymkent - Býdapesht – aptasyna eki ret(seısenbi jáne beısenbi);

Shymkent - Múnhen – aptasyna eki ret (seısenbi jáne beısenbi).