سالاتاناتتى راسىمگە قازاقستان رەسپۋبليكاسى كولىك ءمينيسترىنىڭ ورىنباسارى تالعات لاستايەۆ، SCAT اۋە كومپانياسىنىڭ پرەزيدەنتى ۆلاديمير دەنيسوۆ، سەربيا رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى ۆلاديمير يوۆچيچ جانە نۇرسۇلتان نازاربايەۆ اتىنداعى حالىقارالىق اۋەجاي باسقارما ءتوراعاسىنىڭ ءبىرىنشى ورىنباسارى رۋسلان پىشتانوۆ قاتىستى، دەپ حابارلايدى Dalanews.kz.

تىكەلەي قاتىناستى ىسكە قوسۋ تۋرالى كەلىسىمگە قازاقستان پرەزيدەنتى قاسىم-جومارت توقايەۆتىڭ سەربياعا ساپارى كەزىندە قول جەتكىزىلدى. جوبا قازاقستان رەسپۋبليكاسى سىرتقى ىستەر مينيسترلىگىنىڭ جانە سەربياداعى قازاقستان ەلشىلىگىنىڭ قولداۋىمەن مۇمكىن بولدى.

بەلگرادقا كەلگەننەن كەيىن قازاقستاندىق دەلەگاسيانى سەربيا پرەزيدەنتى الەكساندر ءۆۋچيچتىڭ تاپسىرماسىمەن سەربيا ۇلتتىق جينالىسىنىڭ سپيكەرى انا برنابيچ جانە كولىك ءمينيسترىنىڭ ورىنباسارى ۆەريكا ەچمەنيسا قارسى الدى.

"استانا مەن بەلگراد اراسىنداعى تىكەلەي رەيستەردىڭ اشىلۋى قازاقستان مەن سەربيا اراسىنداعى بايلانىستى نىعايتۋداعى ماڭىزدى قادام بولىپ تابىلادى. جاڭا باعىت ءبىزدىڭ حالىقتارىمىز اراسىنداعى بيزنەس، تۋريزم جانەمادەني ىنتىماقتاستىق ءۇشىن جاڭا اشادى"، – دەپ اتاپ ءوتتى تالعات لاستايەۆ ءوز سوزىندە.

قازاقستان مەن سەربيا اراسىندا ۆيزاسىز رەجيم بار. ۇشۋ ۇزاقتىعى - 5 ساعات 40 مينۋت. بۇل باعىت بويىنشا جولاۋشىلارعا جوعارى سۇرانىس كۇتىلۋدە– العاشقى رەيستە 92 جولاۋشى بولدى.

استانا-بەلگراد-استانا رەيستەرى اپتاسىنا ەكى رەت (دۇيسەنبى جانە بەيسەنبى) زاماناۋي Boeing 737 ۇشاقتارىمەن ورىندالادى.

SCAT Airlines قازىرگى ۋاقىتتا ەۋروپالىق قالالارعا دا رەيستەر ورىندايدى:

استانا - پراگا – اپتاسىنا ەكى رەت (سەيسەنبىجانە سەنبى)؛

شىمكەنت - بۋداپەشت – اپتاسىنا ەكى رەت(سەيسەنبى جانە بەيسەنبى)؛

شىمكەنت - ميۋنحەن – اپتاسىنا ەكى رەت (سەيسەنبى جانە بەيسەنبى).