Ǵylym men qoǵam qairatkerleriniń birneshe býynyn tárbielep shyǵaratyn altyn uia.Ýniversitettiń myńdaǵan túlekteri Qazaqstannyń jáne onyń aýmaǵynan tys jerlerde barlyq salasynda tabysty eńbek etýde.
Qazaqstan Respýblikasynyń kóptegen ǵylymi jáne kásibi salalaryndaǵy magistranttar men doktoranttarǵa orasan zor múmkindikter ashatyn kórnekti oqý ordasy bolyp tabylady. Ýniversitet halyqaralyq professorlardy pikir almasýǵa,lektsiia júrgizýge shaqyrady, jahandyq máseleler boiynsha zertteýler men oqytýlardy qoldaýǵa, sondai-aq ártúrli shet eldermen jáne aimaqtarmen akademiialyq bailanystar ornatýǵa tyrysady. Oqý ordasy kez-kelgen sala boiynsha bilim men oqýdy joǵary deńgeide ilgeriletýdi jáne óz kúshin búkil álemdik standartqa sai bolatyn nátijelerdi maqsat ete otyryp jumys atqarady. Ǵylym men qoǵam qairatkerleriniń birneshe býynyn tárbielep shyǵaratyn altyn uiamyz biyl 90 jyldyq merekesin toilaidy.Mereitoi qarsańynda ýniversitet basshylyǵynyń usynysymen
«90 jyl-90 is-shara» jobasy bastaldy.Igi bastamany qoldaý maqsatynda zań fakýltetiniń qylmystyq quqyq,qylmystyq is júrgizý jáne kriminalistika kafedrasynyń professorlyq-oqytýshylar quramy Turaqty damý maqsattary men «90 jyl-90 is-shara» mereitoi sheńberinde kafedra basshylyǵynyń bastamasymen túrli aktsiialar,sport jarystary,dóńgelek ústelder,pikirsaiystar t.b ótkizýde.
Qara shańyraqta laiyqty dárejede bilim alýǵa tyrysatyn ár stýdent úshin keremet múmkindikter jasalǵan.El erteńi-bilimdi urpaq ekenin eskersek, ózimizge berilgen barlyq múmkindikti tolyq paidalanyp, elimizdiń jarqyn bolashaǵy úshin qyzmet atqarý bizge ata-babadan qalǵan mura ekenin jadymyzda ustaý kerek. Osy mindetti abyroimen alyp júrý, jastar úshin basty maqsat dep esepteimin. Ál-Farabi atyndaǵy Qazaq ulttyq ýniversiteti – ár qazaq úshin aiaýly meken. Munda talai jaqsylardyń izi qalǵan, talai qazaq bilim alǵan, talai adam armanymen kezdesken, maqsatyna jetken. QazUÝ-dy elimizdiń barlyq joǵarǵy bilim berý júiesiniń tiregi, bilikti mamandar ordasy deýge bolady.
Mýhamadieva Gúljan Núsipjanqyzy
Ál-Farabi atyndaǵy
QazUÝ Zań fakýlteti qylmystyq quqyq, qylmystyq
is júrgizý jáne kriminalistika kafedrasynyń dotsenti,z.ǵ.k
Túrikben Qýanysh
Ál-Farabi atyndaǵy
QazUÝ Zań fakýltetiniń stýdenti
