2025 jyldyń qazan aiynda Qazaqstandaǵy ailyq infliatsiia deńgeii 0,5% boldy. Bul týraly Ulttyq statistika biýrosy málimdedi, dep habarlaidy Dalanews.kz.
Ótken aida birqatar azyq-túlik taýarlarynyń baǵasy tómendedi. Olardyń qatarynda:
- piiaz – 7,7%-ǵa,
- alma – 6,1%-ǵa,
- qyzylsha – 5,1%-ǵa,
- qyryqqabat – 4,7%-ǵa,
- sábiz – 4,4%-ǵa,
- qant – 2%-ǵa,
- júzim – 1,1%-ǵa,
- limon – 0,8%-ǵa arzandady.
Sonymen qatar shokolad (2,3%), kofe men tuzdyqtar (1,8%), qurma (1,6%) jáne jarma ónimderi (0,7%) qymbattaǵan.
Azyq-túlikke jatpaityn taýarlar arasynda otandyq qurastyrýdaǵy jańa avtokólikterdiń baǵasy 1,5%-ǵa tómendegen. Al qolshatyr (4,2%), elektrjylytqysh (2,5%) jáne tsement (0,4%) baǵasy kerisinshe ósken. Turmystyq himiia men jeke kútim taýarlary 1%-ǵa, kiim-keshek, aiaq kiim jáne turmystyq tehnika 0,8%-ǵa qymbattaǵan.
Turǵyn úi-kommýnaldyq qyzmet salasynda tarifter tómendedi:
- sýyq sý – 40%-ǵa,
- taratý jelileri arqyly jetkiziletin gaz – 10,7%-ǵa,
- elektr energiiasy – 2%-ǵa arzandady.
Biraq qoǵamdyq tamaqtaný qyzmetteri 2%-ǵa, shashtarazdar men sulýlyq salondarynyń qyzmetteri 1,5%-ǵa, fitnes jáne jattyǵý zaldary 0,8%-ǵa qymbattaǵan.
Jyldyq eseppen alǵanda infliatsiia 12,6%-dy qurady. Bir jyl ishinde azyq-túlik ónimderiniń ishinde kúrish – 8,3%-ǵa, qurma – 5%-ǵa, qyzanaq – 1,4%-ǵa arzandaǵan. Al keptirilgen jemister men jańǵaqtar 2,9%-ǵa qymbattaǵan.
Azyq-túlikke jatpaityn taýarlar arasynda:
- kir jaiǵysh sóreler – 31,7%-ǵa,
- muzdatqyshtar – 16,6%-ǵa,
- útikteý taqtalary – 13,6%-ǵa arzandaǵan.
Sonymen birge as úi ydystary 7%-ǵa, elektr burǵylar 5,9%-ǵa, al elektr shamdary 5,2%-ǵa qymbattaǵan.
2024 jyldyń qazanymen salystyrǵanda aiaq kiim jóndeý qyzmeti 8,9%-ǵa, turǵyn úilerdi kútip ustaý jáne jóndeý qyzmeti 7,8%-ǵa ósken. Basseinge barý aqysy 10%-ǵa, fitnes zaldaryna jazylý quny 8,8%-ǵa artqan.
