Túrkistandaǵy muǵalim «beimoraldy qylyq» úshin jumystan shyǵarylǵannan keiin, bedelin qalpyna keltirdi,- dep habarlaidy Dalanews.kz. oblystyq sottyń baspasóz qyzmetine silteme jasap.
Muǵalimdi jumystan shyǵarýǵa sebep bolǵan oqiǵa Almaty halyqaralyq áýejaiynda oryn aldy. Tekserý kezinde áiel aitqan sátsiz ázildi qaýipsizdik qyzmeti potentsialdy qaýipti málimdeme dep baǵalady.
Sonyń saldarynan muǵalimge Qylmystyq kodekstiń 273-baby – «Terrorizm aktisi týraly kórineý jalǵan habarlaý» boiynsha qylmystyq is qozǵaldy. Keiinirek jol politsiia bólimshesi qylmys quramynyń bolmaýyna bailanysty isti toqtatty.
Jumystan shyǵarýdy zańsyz dep eseptegen áiel mektep ákimshiligine shaǵymdandy. Ótinishinde ol tártiptik komissiianyń aldyn-ala pikir qalyptastyrǵanyn, onyń túsindirmelerin elemegenin jáne qylmystyq istiń resmi túrde toqtatylýyna deiin sheshim qabyldaǵanyn atap ótti.
Sotqa aryzdaýshy jumystan shyǵarý týraly buiryqty zańsyz dep tanýdy, jumystan shyǵarý formýlirovkasyn «taraptardyń kelisimi boiynsha» dep ózgertý, eńbek kitapshasyna túzetýler engizý jáne moraldyq ziian úshin ótemaqy óndirýdi surady.
Sot protsesi barysynda túsindirý áńgimeleri men tatýlastyrý protsedýralary júrgizilgennen keiin, birinshi satydaǵy sot taraptardyń kelisimine qol jetkizdi. Nátijesinde taraptar arasynda bitimgershilik kelisim jasalyp, ony sot rastady.
Qujatqa sáikes, oqý orny jumystan shyǵarý týraly buiryqqa ózgerister engizýge, sondai-aq pedagogtyń eńbek kitapshasynda jáne enbek.kz onlain-platformasyndaǵy jazbalardy túzetýge mindetteldi.
Ózara mindettemeler oryndalǵannan keiin taraptar bir-birine eshqandai shaǵym qoimaýǵa kelisim berdi . Sottyń sheshimi zańdy kúshine endi.
