Almatydaǵy Baým toǵaiynda zańsyz aǵash otaý deregi tirkelgennen keiin qaýipsizdik sharalary kúsheitildi, dep habarlaidy Dalanews.kz.
Baým toǵaiy - erekshe qorǵalatyn tabiǵi aýmaq. Munda 104 429 aǵash pen 5 081 buta ósedi, olardyń barlyǵy memlekettik orman qoryna jatady. Qazir Baým toǵaiyn saqtaý, qalpyna keltirý jáne uqypty abattandyrý boiynsha kezeń-kezeńimen jumystar júrgizilip jatyr.
Jaýaptylardyń sózinshe, joba aiasynda aǵashtardy jappai kesý kózdelmegen.
"Biz aǵashtardyń tamyryna óte uqypty qaraimyz. Sol sebepti tsement-beton buiymdarynan, bordiýr men jiektastardan bas tarttyq. Joba aiasynda birde-bir aǵash kesilmeidi jáne búginge deiin de kesilgen joq. Kerisinshe myńnan asa aǵash otyrǵyzý josparlanǵan", - dedi Qoǵamdyq keńistikterdi damytý basqarmasynyń basshysy Batyrhan Súleimenov.
26 qazanǵa qaraǵan túni "Medeý" memlekettik óńirlik tabiǵi parki qyzmetkerleri bes aǵash (úieńki men akatsiia) zańsyz kesilgenin jáne on bir usaqjapyraqty qaraǵashtyń dińi aralanǵanyn anyqtaǵan.
Oqiǵa ornynan eki qol ara men taǵy bir qurylǵy tabylǵan. Kezekshi inspektor ekologiialyq politsiiaǵa ótinish joldaǵan.
"Saraptama nátijesinde kesilgen aǵashtar jańa ekeni jáne olardy mereke kúnderi belgisiz adam otyn daiyndaý maqsatynda keskeni anyqtaldy. Investor men merdiger uiymnyń aǵash kesýge qatysy joq jáne óz tarapynan da ekologiialyq politsiiaǵa ótinish berdi. Osyndai quqyqbuzýshylyqtardyń aldyn alý maqsatynda toǵai aýmaǵynda patrýl kúsheitiledi, qosymsha beinebaqylaý kameralary ornatylady, sondai-aq, ýchaskelik politsiia inspektory túsindirý jáne profilaktikalyq jumystar júrgizedi", - dedi jaýaptylar.
