Batys Qazaqstan oblysynyń bir aýylynda 6 jasar qyzǵa qatysty zorlyq oqiǵasy aýdanaralyq arnaiy sot qaraýyna jiberildi, dep habarlaidy Dalanews.kz «Moi gorod» saityna silteme jasap.
Osy jyldyń 22 tamyzynda áiel qyzynyń joǵalyp ketkeni týraly aýdandyq politsiia bólimine ótinishpen júgindi. Ótinish berýshiniń aitýynsha, bala tanysymen birge dúkenge baryp qaita oralmady.
«Dereý jedel izdestirý sharalary uiymdastyryldy, izdeýge politsiianyń barlyq bólimsheleri tartyldy. 23 tamyzda 32 jastaǵy kúdikti ustaldy. Ol balanyń ornalasqan jerin kórsetti. Qyz tiri kúiinde aýyl shetinen tabyldy», – dep túsindirdi vedomstvo.
Osy fakti boiynsha qylmystyq is qozǵaldy. Ustalǵan adam ýaqytsha ustaý izoliatoryna jetkizildi. Keiin BQO prokýratýrasynyń keńeitilgen kollegiia otyrysynda qyz zorlyqqa ushyraǵany belgili boldy.
BQO PD qazirgi ýaqytta tergeý aiaqtalǵanyn jáne qylmystyq is aýdanaralyq arnaiy sotta qaralyp jatqanyn habarlady.
