Qazaqtar men musylmandardy qorlaǵan Alika Muhamadievaǵa úkim shyqty, dep habarlaidy Dalanews.kz.
Búgin Qaraǵandy qalasynyń Qazybek bi atyndaǵy aýdanynyń soty Alika Muhamadievaǵa qatysty Qylmystyq kodekstiń 174-babynyń 1-bóligi boiynsha bas bostandyǵynan aiyrý jazasyn taǵaiyndaǵan aiyptaý úkimin shyǵardy.
Osy úkimmen oǵan Qylmystyq kodekstiń 74-babynyń tártibinde jazany oryndaýdy keiinge qaldyrý sharasy taǵaiyndaldy.
Sot úkimimen Muhamadieva QR QK-niń 174-b. 1-b. boiynsha kináli dep tanylyp, oǵan 3 jyl 6 ai merzimge bas bostandyǵynan aiyrý jazasy taǵaiyndaldy, jazany óteý eki jylǵa keiinge qaldyryldy.
Keiinge qaldyrýdy qoldanýǵa onyń 2 jasar balasynyń bolýy negiz boldy.
Bas prokýratýra 2025 jylǵy 16 qyrkúiekten bastap Qylmystyq zańǵa 5 jyldan astam bas bostandyǵynan aiyrý jazasy taǵaiyndalatyn jekelegen qylmystardy qospaǵanda, jas balalary bar áielder úshin jazany óteýdi keiinge qaldyrýdy mindetti túrde qoldanýdy kózdeitin ózgerister engizilgendikten, búgingi kúni jazany keiinge qaldyrý mindetti norma ekenin eske saldy.
Eske salsaq, 2025 jyldyń jazynda Threads áleýmettik jelisinde Alika Mýhamadieva salǵan postardyń qazaqstandyqtarǵa qatysty qorlaityn sózder bar degen shaǵymdardan keiin tergeý nysanyna ainaldy. Shilde aiynda ol qamaýǵa alynyp, is materialdary tergeý organdaryna joldanǵan bolatyn.
Kásipker buǵan deiin kinásin ishinara moiyndap, aitqan sózderi konteksten úzip alynǵanyn málimdegen edi. Ol kópshilikten keshirim surap, eshkimniń namysyna tiiýdi maqsat etpegenin atap ótken.
Prokýror Muhamadievany 4,5 jylǵa sottaýdy suraǵan.
