KASE ındeksi aptany ósimmen aıaqtap, 2,7%-ǵa artyp, 7 131 pýnkt deńgeıinde jabyldy, dep habarlaıdy Dalanews.kz Business FM-ge silteme jasap.

Air Astana kompanıasy 11 qarashada 2025 jyldyń úshinshi toqsany men toǵyz aıynyń esebin jarıalaıdy. Áýe kompanıasynyń aksıalary apta ishinde 2%-ǵa qymbattady.

Halyk Bank 13 qarashada toǵyz aı men úshinshi toqsannyń qarjylyq nátıjeleri boıynsha konferensıa ótkizedi. Alaıda bank aksıalary apta ishinde 1,4%-ǵa tómendedi.

QazMunaıGaz 2025 jyldyń toǵyz aıyndaǵy óndiristik kórsetkishterin usyndy. Munaı men gaz kondensatyn óndirý kólemi 10%-ǵa ósip, 19,8 mln tonnaǵa jetti. Al tasymaldaý kólemi 1,1%-ǵa azaıyp, 62,5 mln tonna boldy. Qazaqstan men Rýmynıadaǵy munaı óńdeý zaýyttarynda kómirsýtek shıkizatyn óńdeý kólemi 11,7%-ǵa artyp, 15,8 mln tonnaǵa jetti. Kompanıa aksıalary apta boıy ózgerissiz qaldy.

Telekomýnıkasıa sektorynda kerisinshe, tómendeý baıqaldy:
Kcell aksıalary 1%-ǵa arzandap, 3 354 teńgege,
al «Qazaqtelekom» qaǵazdary 1,2%-ǵa tómendep, 38 520 teńgege tústi.

Korporatıvtik oblıgasıalar naryǵynda:

Ulttyq kompanıa «Azyq-túlik kelisimshart korporasıasy» jyldyq 8,5 mlrd teńge kólemindegi oblıgasıalyq shyǵarylymdy ornalastyrdy. Kýpondyq mólsherleme – jylyna 19%.

Kompanıa «MetalInvestAtyraý» $5,5 mln tartyp, úsh jyldyq oblıgasıalaryn 11% jyldyq syıaqymen ornalastyrdy.