Jyl basynan beri zańsyz utys oıyndaryn uıymdastyrǵandar 40 mıllıon teńgege jýyq aıyppul tóledi, dep habarlaıdy Dalanews.kz.

Týrızm jáne sport mınıstrliginiń Oıyn bıznesin jáne lotereıany retteý komıteti áleýmettik jeliler men onlaın platformalarda zańsyz lotereıa qyzmetin anyqtaý maqsatynda turaqty túrde monıtorıń júrgizip keledi.

"Monıtorıń nátıjesinde jáne jeke tulǵalardan komıtetke kelip túsken ótinishter negizinde bıyl 89 adam QR Ákimshilik quqyqbuzýshylyq týraly kodeksiniń (ÁQBtK) 445-1-babynyń 6-bóligi boıynsha ákimshilik jaýapkershilikke tartyldy. Zańsyz utys oıyndaryn uıymdastyrǵan tulǵalarǵa eskertý hattary joldanyp, oflaın jáne onlaın formattarda túsindirý kezdesýleri ótkizildi. Áleýmettik jelilerde utys oıyndaryn ótkizgen akkaýnttardyń tizimi mınıstrliktiń resmı saıtynda jarıalanǵan"ǵ - dep jazylǵan habarlamada.

Hattamamen kelisken jaǵdaıda quqyq buzýshylar aıyppuldy óz erkimen tóleıdi, al kelispegen jaǵdaıda is sotqa joldanyp, sot tártibimen qaralady.