Kei adamdar saýsaǵyn jii syqyrlatady. Bireýler bul — ziiandy ádet, býyndardy zaqymdaidy dese, endi bireýler bul, kerisinshe, qaýipsiz «gimnastika» deidi. Al shyn máninde, saýsaq syqyrlatýdyń ziiany bar ma? Tolyǵyraq Dalanews.kz materialynda.
Saýsaq syqyrlaǵan kezde býynda qysym kúrt tómendep, býyn ishindegi suiyqtyq — sinovialdy suiyqtyq — «qainap», usaq gaz kópirshikteri túziledi. Olar jarylǵanda — bizge tanys «syqyr» estiledi.
Taǵy bir nusqa boiynsha, syqyr býynnyń ainalasyndaǵy bailamdar men sińirlerdiń qozǵalysy kezinde paida bolady. Iaǵni bul — býyndardyń tabiǵi reaktsiiasy.
Degenmen dárigerler saýsaqty tym jii syqyrlatpaýǵa keńes beredi. Sebebi uzaq merzimde býyn elementteri qajalyp, shamadan tys qozǵalys býyn turaqtylyǵyn álsiretýi múmkin.
Syqyrdyń paida bolýyna áser etetin sebepter
Saýsaqtardyń syqyrlaýyna ártúrli faktorlar sebep bolýy múmkin:
- býynǵa tuzdyń jinalýy;
- jaraqattan nemese otadan keiingi qurylymdyq ózgerister;
- durys emes tamaqtaný;
- bulshyqet qabynýy;
- temeki men alkogol;
- artroz, iaǵni býyn shemirsheginiń tozýy;
- týa bitken erekshelikter — býynnyń shamadan tys qozǵalǵyshtyǵy;
- buryn bolǵan jaraqattar.
Halyq arasynda keń taraǵan mifter
Halyq arasynda «saýsaqty syqyrlatsań, artrit bolady», «býyndar bosap, qolyń qisaiyp ketedi» degen pikirler jii aitylady.
Biraq bul pikirler ǵylymi turǵyda rastalmaǵan.
- Syqyrlatýdan býyn «ornynan jyljymaidy» jáne shemirshek buzylmaidy.
- Bailamdardyń beriktigi tómendemeidi.
- Býyn kapsýlasynyń qabynýy dáleldenbegen.
Kei adamdar muny psihologiialyq túrde stresti azaitý nemese qoldy sergitý retinde jasaidy.
Qandai jaǵdaida dárigerge qaralý kerek?
Eger saýsaq syqyrlaǵan kezde aýyrsyný, isiný, qyzarý nemese qozǵalys shektelýi baiqalsa — bul qalypty jaǵdai emes. Mundaida artrit, artroz, nemese basqa býyn aýrýlarynyń belgisi bolýy múmkin.
Mindetti túrde ortoped nemese revmatologqa kóringen jón.
Dáriger býyn jaǵdaiyn anyqtaý úshin:
- qan jáne zár taldamasyn,
- rentgen, ÝDZ, MRT nemese KT zertteýlerin taǵaiyndaýy múmkin.
Aýrý anyqtalǵan jaǵdaida emdeý dári-dármekpen, fizioterapiiamen nemese qajet bolsa otamen júrgiziledi.
Eger sizdiń býyndaryńyz saý bolsa, arasynda saýsaq syqyrlatý ziian emes. Biraq aýyrsyný, isiný nemese qimyl shekteýligi bolsa — bul ádetten arylyp, mamanǵa kórinińiz.
Saýsaq syqyrlatý — kóp jaǵdaida fiziologiialyq qubylys, alaida ony shamadan tys qaitalaý býyndarǵa qosymsha salmaq túsiredi. Sondyqtan barlyq nársede shamany bilý mańyzdy.
