كەي ادامدار ساۋساعىن جيٸ سىقىرلاتادى. بٸرەۋلەر بۇل — زيياندى ەدەت, بۋىنداردى زاقىمدايدى دەسە, ەندٸ بٸرەۋلەر بۇل, كەرٸسٸنشە, قاۋٸپسٸز «گيمناستيكا» دەيدٸ. ال شىن مەنٸندە, ساۋساق سىقىرلاتۋدىڭ زييانى بار ما? تولىعىراق Dalanews.kz ماتەريالىندا.
ساۋساق سىقىرلاعان كەزدە بۋىندا قىسىم كٷرت تٶمەندەپ, بۋىن ٸشٸندەگٸ سۇيىقتىق — سينوۆيالدى سۇيىقتىق — «قايناپ», ۇساق گاز كٶپٸرشٸكتەرٸ تٷزٸلەدٸ. ولار جارىلعاندا — بٸزگە تانىس «سىقىر» ەستٸلەدٸ.
تاعى بٸر نۇسقا بويىنشا, سىقىر بۋىننىڭ اينالاسىنداعى بايلامدار مەن سٸڭٸرلەردٸڭ قوزعالىسى كەزٸندە پايدا بولادى. ياعني بۇل — بۋىنداردىڭ تابيعي رەاكتسيياسى.
دەگەنمەن دەرٸگەرلەر ساۋساقتى تىم جيٸ سىقىرلاتپاۋعا كەڭەس بەرەدٸ. سەبەبٸ ۇزاق مەرزٸمدە بۋىن ەلەمەنتتەرٸ قاجالىپ, شامادان تىس قوزعالىس بۋىن تۇراقتىلىعىن ەلسٸرەتۋٸ مٷمكٸن.
سىقىردىڭ پايدا بولۋىنا ەسەر ەتەتٸن سەبەپتەر
ساۋساقتاردىڭ سىقىرلاۋىنا ەرتٷرلٸ فاكتورلار سەبەپ بولۋى مٷمكٸن:
- بۋىنعا تۇزدىڭ جينالۋى;
- جاراقاتتان نەمەسە وتادان كەيٸنگٸ قۇرىلىمدىق ٶزگەرٸستەر;
- دۇرىس ەمەس تاماقتانۋ;
- بۇلشىقەت قابىنۋى;
- تەمەكٸ مەن الكوگول;
- ارتروز, ياعني بۋىن شەمٸرشەگٸنٸڭ توزۋى;
- تۋا بٸتكەن ەرەكشەلٸكتەر — بۋىننىڭ شامادان تىس قوزعالعىشتىعى;
- بۇرىن بولعان جاراقاتتار.
حالىق اراسىندا كەڭ تاراعان ميفتەر
حالىق اراسىندا «ساۋساقتى سىقىرلاتساڭ, ارتريت بولادى», «بۋىندار بوساپ, قولىڭ قيسايىپ كەتەدٸ» دەگەن پٸكٸرلەر جيٸ ايتىلادى.
بٸراق بۇل پٸكٸرلەر عىلىمي تۇرعىدا راستالماعان.
- سىقىرلاتۋدان بۋىن «ورنىنان جىلجىمايدى» جەنە شەمٸرشەك بۇزىلمايدى.
- بايلامداردىڭ بەرٸكتٸگٸ تٶمەندەمەيدٸ.
- بۋىن كاپسۋلاسىنىڭ قابىنۋى دەلەلدەنبەگەن.
كەي ادامدار مۇنى پسيحولوگييالىق تٷردە سترەستٸ ازايتۋ نەمەسە قولدى سەرگٸتۋ رەتٸندە جاسايدى.
قانداي جاعدايدا دەرٸگەرگە قارالۋ كەرەك?
ەگەر ساۋساق سىقىرلاعان كەزدە اۋىرسىنۋ, ٸسٸنۋ, قىزارۋ نەمەسە قوزعالىس شەكتەلۋٸ بايقالسا — بۇل قالىپتى جاعداي ەمەس. مۇندايدا ارتريت, ارتروز, نەمەسە باسقا بۋىن اۋرۋلارىنىڭ بەلگٸسٸ بولۋى مٷمكٸن.
مٸندەتتٸ تٷردە ورتوپەد نەمەسە رەۆماتولوگقا كٶرٸنگەن جٶن.
دەرٸگەر بۋىن جاعدايىن انىقتاۋ ٷشٸن:
- قان جەنە زەر تالداماسىن,
- رەنتگەن, ۋدز, مرت نەمەسە كت زەرتتەۋلەرٸن تاعايىنداۋى مٷمكٸن.
اۋرۋ انىقتالعان جاعدايدا ەمدەۋ دەرٸ-دەرمەكپەن, فيزيوتەراپييامەن نەمەسە قاجەت بولسا وتامەن جٷرگٸزٸلەدٸ.
ەگەر سٸزدٸڭ بۋىندارىڭىز ساۋ بولسا, اراسىندا ساۋساق سىقىرلاتۋ زييان ەمەس. بٸراق اۋىرسىنۋ, ٸسٸنۋ نەمەسە قيمىل شەكتەۋلٸگٸ بولسا — بۇل ەدەتتەن ارىلىپ, مامانعا كٶرٸنٸڭٸز.
ساۋساق سىقىرلاتۋ — كٶپ جاعدايدا فيزيولوگييالىق قۇبىلىس, الايدا ونى شامادان تىس قايتالاۋ بۋىندارعا قوسىمشا سالماق تٷسٸرەدٸ. سوندىقتان بارلىق نەرسەدە شامانى بٸلۋ ماڭىزدى.
