Mýhammad Ali Djinna – Pákistannyń irgetasyn qalaýshy jáne birinshi general-gýbernator - ult Ákesi retinde qurmetteledi, Britandyq Úndistannyń bólinýin jaqtaǵan eń belsendi qatysýshylardyń biri, asa iri musylman saiasi qairatkeri.
Bul sharanyń ashylý saltanatyna ýniversitet rektory, akademik Ǵalym Mutanov, Pákistan Islam Respýblikasynyń Qazaqstan Respýblikasyndaǵy Tótenshe jáne Ókiletti Elshisi Imtiaz Ahmad Kazi, Pákistan Islam Respýblikasynyń Energetika jáne Munai Ministri Omar Aiýb Han myrza, Pákistannyń Islam Respýblikasynyń Almaty qalasyndaǵy Kommertsiialyq konsýly Basit Salim Shah, KAZ-PAK assotsiatsiiasynyń Prezidenti Habib ýr Rahman, Pákistan Ulttyq Bank basqarmasynyń tóraǵasy Rafik Mýhammad, sondai-aq Qazaqstan Respýblikasyndaǵy Pákistan qaýymdastyǵynyń ókilderi, shyǵystaný fakýltetiniń professorlyq-oqytýshylyq quramy qatysty.
Ortalyqtyń ashylý saltanatynda sóz alǵan QazUÝ rektory, akademik Ǵalym Mutanov Qazaqstan Respýblikasy men Pákistan Islam Respýblikasyn kóp jylǵy dostyq qarym-qatynastar bailanystyryp, Qazaqstan táýelsizdik alǵannan keiin jańa serpin alǵandyǵyn atap ótti.
Pákistan Qazaqstannyń táýelsizdigin moiyndaǵan alǵashqy memleketterdiń biri boldy. Ol óz ýaqytynda úndi musylmandary úshin jeke memleket qurýǵa shaqyrǵan Mýhammad Áli Djinnanyń ortalyǵy biregei ári eki el arasyndaǵy dostyq qarym-qatynasty nyǵaitýǵa yqpal etetinine senim bildirdi.
«1992 jyldyń 24 aqpanynda Qazaqstan Respýblikasynyń Tuńǵysh Prezidenti Nursultan Nazarbaevtyń Pákistan Islam Respýblikasyna resmi sapary kezinde diplomatiialyq jáne konsýldyq qatynastar ornatyldy. Bul mańyzdy qadam QazUÝ-da shyǵystaný fakýltetinde ýrdý bólimshesiniń ashylýyna yqpal etti. Sol ýaqyttan bastap shyǵystaný fakýltetinde ýrdý tilin biletin 50-den astam maman daiarlandy. Qazirgi tańda fakýltette ýrdý tili men ádebieti boiynsha 10 – nan astam stýdent bilim alýda», - dedi QazUÝ rektory.
Qazirgi tańda ýniversitet fakýltetteriniń ǵylymi mekemelermen jáne Pákistannyń belgili ǵylym qairatkerlerimen yntymaqtastyq qarqyndy túrde órbýde.
Máselen, ótken jyly QazUÝ-ǵa Qarashi ýniversitetiniń Halyqaralyq himiia jáne biologiia ǵylymdary ortalyǵynyń direktory, professor Mýhammad Ikbal Chaýdhari, ǵalym Ahmad Han Ashik ǵylymi-innovatsiialyq zertteýlerdi júrgizýde óz tájiribelerimen bólisip, ýniversitetimizdiń qurmetti qonaǵy boldy.
QazUÝ men Karachi ýniversitetiniń Halyqaralyq himiia jáne biologiia ǵylymdary ortalyǵynyń birlesken jobasy - innovatsiialyq zertteýlerdiń ǵylymi zerthanasy-Ońtústik COMSATS elderiniń turaqty damýyna arnalǵan Ǵylym jáne tehnika jónindegi komissiianyń kómegimen júzege asyryldy. Ortalyq tiimdi fitopreparattardy óndirýge baǵyttalǵan irgeli zertteýler júrgizedi.
Atalmysh ortalyqta QazUÝ-dyń 20-dan astam qyzmetkeri ǵylymi taǵylymdamadan ótti. Zertteý jumystarynyń nátijesinde úsh doktorlyq dissertatsiia jazylyp, 10 kandidattyq jáne 3 PhD dissertatsiia qorǵaldy. Ǵylymi eńbekterdiń qorytyndysy Thomson Reuters Scopus, Chem.Pharm, Bul, Planta Med, Journal Ethnorpharmacology syndy mamandandyrylǵan jýrnaldarynda jariialandy.
QazUÝ-dyń úsh magistranty Qarashi qalasynyń Halyqaralyq ortalyǵynda ǵylymi-zertteý taǵylymdamasynan ótse, QazUÝ-dyń Biologiia jáne biotehnologiia fakýltetinde bir Pákistan PhD doktoranty bilim alýda.
Óz kezeginde Imtiaz Ahmad Kazi myrza QazUÝ ujymyna alǵysyn bildirdi. Ol ortalyqtyń ashylýy qos el arasyndaǵy yntymaqtastyqty sapaly ári joǵary deńgeige kóterip, álemdik ǵylym-bilim qoǵamdastyǵyna tiimdi yqpaldasýǵa múmkindik beretinin atap ótti.
