Qazaqstannyń vıse-premeri – ulttyq ekonomıka mınıstri Serik Jumanǵarın AQSH kongresmenderimen kezdesti, dep habarlaıdy Dalanews.kz.
Kongresmen, búdjet jáne salyq komıtetiniń múshesi, "Qazaqstan – AQSH" kokýsynyń teń tóraǵasy Djımmı Panettamen kelissózder barysynda taraptar ekijaqty saýda men ekonomıkalyq yntymaqtastyqty damytý máselesin talqylady.
Serik Jumanǵarın kongresmenge Djekson-Venık túzetýiniń kúshin joıý týraly máseleni ilgeriletýde Qazaqstandy qoldaǵany úshin alǵys bildirip, bul máseleni AQSH Kongresinde tezirek retteýge úmit bildirdi.
Sonymen qatar, Qazaqstannyń vıse-premeri búdjet jáne salyq komıtetiniń múshesi, kongresmen Tomas Sýozzımen kezdesýde de Djekson-Venık túzetýin joıý týraly máseleni talqylady. Aıta ketý kerek, kezdesýlerde barlyq kongresmen Qazaqstanǵa osy baǵytta qoldaý kórsetýge daıyn ekenin rastaǵan.
