Qostanaida 15 jastaǵy jasóspirim úiinen 2,5 million teńge alyp, ata-anasynan jáne mekteptegi qiyndyqtardan alys jerde jańa ómir bastaýdy kózdep, qashyp ketken, dep habarlaidy Dalanews.kz.
Politsiianyń málimetinshe, bozbala túngi saǵat úsh shamasynda Ekaterinbýrg – Almaty trassasynyń 1127-shaqyrymynda baiqalǵan. Patrýldik politseiler Changan markaly kólikti toqtatyp, ishinde baǵyttamaǵa sai keletin jolaýshyny anyqtaǵan.
«Ol sharshaǵan, biraq sabyrly kórindi. Bul sheshimdi ol emotsiiamen, sharshaý men túsinbeýshilikten qabyldaǵany baiqaldy», – dedi inspektorlardyń biri.
Politseiler birden ata-anasyna jáne Qostanai oblystyq áriptesterine habar bergen.
Quqyq qorǵaý organdary basty maqsat – balany úiine qaitarý ǵana emes, sonymen qatar onyń mundai qadamǵa ne itermelegenin túsiný ekenin atap ótti.
