BJZQ-dan stomatologiia arqyly aqsha alý isi boiynsha izdeýde júrgenderdiń biri ustaldy, dep habarlaidy Dalanews.kz.
Qarjy monitoringi agenttigi tóraǵasynyń orynbasary Jeńis Elemesovtiń sózinshe, izdeýde júrgen úsh adamnyń bireýi - Aslan Dúisenov ustalǵan. Onyń kinási dáleldengen.
Agenttik málimetinshe, myna adamdar izdestirilip jatyr:
- Dúisenov Aslan Qambaruly (ustaldy)
- Imanbaev Gabbas
- Eleshev Esimhan Baiandievich
"Olar 46 mlrd teńgeden asa qarajatty BJZQ-dan zańsyz shyǵarý maqsatynda qylmystyq shemalar uiymdastyrdy degen kúdikke ilingen. Bul maqsatta olar tis emdeý qyzmeti kórsetilgendei jalǵan meditsinalyq qujattar rásimdegen. Olar Mańǵystaý jáne Atyraý oblystaryndaǵy 7 stomatologiialyq klinikany paidalanǵan. Bul mekemeler is júzinde eshqandai meditsinalyq qyzmet kórsetpegen", - dep jazylǵan buǵan deiingi habarlamada.
Olarǵa qatysty bultartpaý sharasy retinde qamaýǵa alý qoldanylǵan.
Jelidegi úndeý
Eske salaiyq, buǵan deiin Instagram-daǵy atyrauoil.official paraqshasynda atyraýlyq Aslan Dúisenovtiń úndeýi jariialandy. Aslan Dúisenovtiń sózine sensek, bul iste eshqandai alaiaqtyq joq,stomatologiia zańdy túrde jumys istegen.
"Eshkimdi aldap, aqysyn jegen emespiz. Resmi stomatologiia jumys istedi. 46 mlrd degen ótirikteý, 46 mlrd bolǵan joq. Ózimniń shotymdaǵy ainalym kórinip tur. Onyń aldynda bir kásipkerden satyp alǵanmyn, zań júzinde litsenziiamyz - bári bar, mamandar jumys istep keldi. QMA tarapynan tekseris júrgizilip, stomatologiia toqtap tur. Oǵan deiin óz tarapymyzdan resmi jumys istedik", - dedi ol.
