Shymkent qalasynda esirtki qoldanǵany úshin arnaiy esepte turǵan jeti azamat dárigerlerdiń eskertýine qaramastan mindetti tekserýden jáne em qabyldaýdan bas tartqan, dep habarlaidy Dalanews.kz.
Prokýratýranyń bastamasymen olardyń árqaisysyna QR Ákimshilik quqyqbuzýshylyq týraly kodeksiniń 429-baby, 2-bóligi boiynsha 19 660 teńge kóleminde aiyppul salyndy. Endi bul azamattar turaqty túrde meditsinalyq baqylaýdan ótip otyrýy tiis.
Qalalyq prokýratýranyń málimetinshe, nashaqorlyqpen kúres jáne profilaktikalyq sharalar erekshe baqylaýda tur.
Esirtki zattaryn qoldanǵan adamdar alǵashqy alty ai boiy ai saiyn, al keiin toqsan saiyn keminde bir ret dárigerlik tekserýden ótýge mindetti. Bul talap QR Densaýlyq saqtaý ministrliginiń buiryǵymen bekitilgen.
Qadaǵalaý organy azamattardy em qabyldaý men meditsinalyq tekserýden ótýdi keshiktirmeýge jáne óz densaýlyǵyna salǵyrt qaramaýǵa shaqyrady.
