شىمكەنت قالاسىندا ەسىرتكى قولدانعانى ءۇشىن ارنايى ەسەپتە تۇرعان جەتى ازامات دارىگەرلەردىڭ ەسكەرتۋىنە قاراماستان مىندەتتى تەكسەرۋدەن جانە ەم قابىلداۋدان باس تارتقان، دەپ حابارلايدى Dalanews.kz.
پروكۋراتۋرانىڭ باستاماسىمەن ولاردىڭ ءارقايسىسىنا ق ر اكىمشىلىك قۇقىقبۇزۋشىلىق تۋرالى كودەكسىنىڭ 429-بابى، 2-بولىگى بويىنشا 19 660 تەڭگە كولەمىندە ايىپپۇل سالىندى. ەندى بۇل ازاماتتار تۇراقتى تۇردە مەديسينالىق باقىلاۋدان ءوتىپ وتىرۋى ءتيىس.
قالالىق پروكۋراتۋرانىڭ مالىمەتىنشە، ناشاقورلىقپەن كۇرەس جانە پروفيلاكتيكالىق شارالار ەرەكشە باقىلاۋدا تۇر.
ەسىرتكى زاتتارىن قولدانعان ادامدار العاشقى التى اي بويى اي سايىن، ال كەيىن توقسان سايىن كەمىندە ءبىر رەت دارىگەرلىك تەكسەرۋدەن وتۋگە مىندەتتى. بۇل تالاپ ق ر دەنساۋلىق ساقتاۋ مينيسترلىگىنىڭ بۇيرىعىمەن بەكىتىلگەن.
قاداعالاۋ ورگانى ازاماتتاردى ەم قابىلداۋ مەن مەديسينالىق تەكسەرۋدەن ءوتۋدى كەشىكتىرمەۋگە جانە ءوز دەنساۋلىعىنا سالعىرت قاراماۋعا شاقىرادى.
