Almatyda bloger Iliias Sariev pen «MM Travel» týristik kompaniiasynyń direktory Aqtoty Dúiseevaǵa qatysty sot protsesi jalǵasyp jatyr, dep habarlaidy Dalanews.kz.
Qazaqparat málimetinshe, tergeý derekterine sáikes, olardyń áreketterine bailanysty 26 qylmystyq epizod anyqtalǵan.
Sotta Dúiseevanyń týystary bir jábirlenýshige kelgen zalaldy tolyq ótegeni, al Sariev eki adamǵa keltirilgen ziiannyń bir bóligin qaitarǵany belgili boldy. Jalpy ótelgen soma 33,5 million teńgeden asty.
Sarievtiń qorǵaýshysy sottan jábirlenýshilerdiń videosy bar telefondy zertteýdi surady. Is boiynsha kelesi otyrys 30 qazanda ótedi, sodan keiin protsess sóz jarysyna ótýi tiis.
Aita keteiik, MM Travel isi boiynsha 20 adam zardap shekken. Aqtoty Dúiseeva óz kinásin ishinara moiyndap, jábirlenýshilerdiń shyǵynyn jarty jyl ishinde óteýge ýáde berdi.
Qazir Iliias Sariev pen Aqtoty Dúiseevaǵa QR Qylmystyq kodeksiniń 190-baby (“Alaiaqtyq”) boiynsha aiyp taǵylǵan.
Bir kezderi elge qamqor, ádil ári meiirimdi azamat retinde tanylǵan Iliias Sarievtiń bul qylyǵy qoǵamda úlken rezonans pen ashý-yza týǵyzdy. Sot protsesi jurt nazarynda ótip jatyr.
