52 jastaǵy Qazaqstan azamaty Sankt-Peterbýrg qalasynda ustaldy, dep habarlaidy Dalanews.kz.
Oqiǵa 14 qazanda bolǵan. «Sankt-Peterbýrg» telearnasynyń habarlaýynsha, er adam radiostantsiia ǵimaratyna basa-kóktep kirip, buzaqylyq áreket jasaǵan.
«Ustalǵan azamat keńsede aiqailap, túsiniksiz urandar aityp, qyzmetkerlerdiń jumysyna kedergi keltirgen», – delingen telearna taratqan aqparatta.
Kúdikti Reseige tamyz aiynyń sońynda kelgen. Alǵashynda Máskeýde, keiin Sankt-Peterbýrgke barǵan jáne hostelde turǵan.
Oqiǵadan keiin ony politsiia bólimine jetkizgen.
Qazirgi ýaqytta er adamnyń is-áreketine quqyq qorǵaý organdary qyzmettik tergeý júrgizip jatyr.
