52 جاستاعى قازاقستان ازاماتى سانكت-پەتەربۋرگ قالاسىندا ۇستالدى، دەپ حابارلايدى Dalanews.kz.
وقيعا 14 قازاندا بولعان. «سانكت-پەتەربۋرگ» تەلەارناسىنىڭ حابارلاۋىنشا، ەر ادام راديوستانسيا عيماراتىنا باسا-كوكتەپ كىرىپ، بۇزاقىلىق ارەكەت جاساعان.
«ۇستالعان ازامات كەڭسەدە ايقايلاپ، تۇسىنىكسىز ۇراندار ايتىپ، قىزمەتكەرلەردىڭ جۇمىسىنا كەدەرگى كەلتىرگەن»، – دەلىنگەن تەلەارنا تاراتقان اقپاراتتا.
كۇدىكتى رەسەيگە تامىز ايىنىڭ سوڭىندا كەلگەن. العاشىندا ماسكەۋدە، كەيىن سانكت-پەتەربۋرگكە بارعان جانە حوستەلدە تۇرعان.
وقيعادان كەيىن ونى پوليسيا بولىمىنە جەتكىزگەن.
قازىرگى ۋاقىتتا ەر ادامنىڭ ىس-ارەكەتىنە قۇقىق قورعاۋ ورگاندارى قىزمەتتىك تەرگەۋ جۇرگىزىپ جاتىر.
