Blogerler Erbolat Janábilov pen Elmira Tólegenovaǵa qatysty qylmystyq is qozǵaldy, olarǵa eki jylǵa deiin bas bostandyǵynan aiyrylý qaýpi tónip tur. Alaida, Qarjy monitoringi agenttiginiń málimetinshe, bul jaǵdaidyń aldyn alýǵa bolar edi, dep habarlaidy Dalanews.kz.
Buǵan deiin Qarjy monitoringi agenttigi 37- den astam blogerge qatysty materialdardy ákimshilik jaýapkershilikke tartý úshin ýákiletti organdarǵa joldaǵan bolatyn. Senattaǵy brifing barysynda jýrnalister QMA tóraǵasynyń orynbasary Jeńis Elemesovten Janábilovtar isiniń sotqa deiin jetpei, qylmystyq sipat alýynyń aldyn alýǵa bolar- bolmasyn surady. Sebebi sot keiin materialdardan qylmystyq quqyqbuzýshylyq belgilerin kórip, isti Ekonomikalyq tergeý departamentine joldaǵan edi.
Jeńis Elemesovtyń aitýynsha, bul- tikelei taraptardyń ustanymyna bailanysty. Eger azamat ákimshilik jazaǵa kelispei, qarsy aryz (hodataistvo) túsirse, is sotqa jiberiledi. Janabylovtardyń jaǵdaiynda dál osylai bolǵan.
Búgin Qarjy monitoringi agenttigi Janábilovtar blogerlerine qatysty Qylmystyq kodekstiń 214- babynyń 1-bóligi boiynsha qylmystyq is qozǵaǵany belgili boldy.
Aita ketetin bolsaq, bul bap boiynsha jaza: 2000 ailyq eseptik kórsetkishke deiin aiyppul salý, ne osy mólsherde túzetý jumystary, ne 600 saǵatqa deiin qoǵamdyq jumysqa tartý, ne 2 jylǵa deiin bas bostandyǵyn shekteý nemese sol merzimge bas bostandyǵynan aiyrý, múlikti tárkileýmen nemese onsyz.
