Hokkeiden “Barys” klýbynyń bas bapkeri Mihail Kravets qazaq tilin úirený oiynda joq ekenin málimdedi, dep habarlaidy Dalanews.kz.
Matchtan keiingi baspasóz jiynynda Caravan.kz jýrnalisi bapkerden:
"Astanaǵa kelgenińizge birneshe ai boldy, qazaq tilin úirenip júrsiz be?" — dep suraq qoiady.
Alaida bapkerdiń jaýaby kópshilikti tańǵaldyrdy.
“Munda bári oryssha sóileidi, aǵylshyn tili de bar. Men úlgermeimin. Onda qytai tilin de úirenýim kerek shyǵar. Orys jáne aǵylshyn tilderi jetkilikti dep oilaimyn, bári túsinedi ǵoi”, — dedi Mihail Kravets.
Bapkerdiń bul sózi áleýmettik jelide qyzý talqy týdyrdy. Ásirese Threads jelisinde qazaqstandyqtar ony synǵa alǵan jazbalar birinen soń biri jariialandy.
Biri sheteldik mamandy qazaq tilin úirengisi kelmegeni úshin jumystan bosatýdy usynsa, endi biri Kravets elge til úirený úshin emes, kásibi mindetin oryndaý úshin kelgenin aitady.
