Sońǵy jyldary jasandy intellekttiń damýy jáne onyń bilim berý salasyna jekelegen tájiribeler men protsester arqyly enýi keń taralǵan qubylysqa ainaldy. Halyqaralyq sarapshylardyń pikirinshe, JI-di engizý ziiatkerlik qyzmetpen bailanysty salalarda, sonyń ishinde bilim berý júiesinde aýqymdy ózgeristerge ákeletin negizgi faktorlardyń biri bolmaq. Bul úrdis Qazaqstanda da baiqalady. 2025/2026 oqý jylynan bastap Qazaqstandaǵy meditsinalyq joǵary oqý oryndarynyń stýdentteri «Jasandy intellekt negizderi» pánin oqityn bolady,- dep habarlaidy Dalanews.kz
Premer-ministrdiń orynbasary Ermek Kósherbaevtyń aitýynsha, meditsina baǵyty boiynsha bilim berý baǵdarlamasy jańartylyp, ekinshi kýrs stýdentterine arnalǵan jańa pán engizilgen. Sabaq barysynda jasandy intellekttiń praktikalyq quraldarymen integratsiialanǵan zamanaýi oqytý ádisteri qoldanylmaq.
«Ulttyq standartqa sáikes, praktikalyq sabaqtarǵa daiyndyq barysynda da jasandy intellekt elementteri engizildi. 2025/26 oqý jylynda “Jalpy meditsina” men “Pediatriia” bilim berý baǵdarlamalaryna elektivti pán retinde “Jasandy intellekt negizderin” engizý josparlanyp otyr», – dedi ol.
Sonymen qatar, vitse-premerdiń aitýynsha, JI-di tolyqqandy engizý úshin sapaly meditsinalyq derekterdiń biryńǵai bazasyn qurý mańyzdy. Qazirgi ýaqytta mundai derekter qoimasyn jasaý jumystary júrip jatyr. Bul júie emdeýdi uiymdastyrýdy, resýrstardy basqarýdy ońtailandyryp qana qoimai, JI sheshimderiniń tiimdiligin arttyrýǵa múmkindik beredi.
Jasandy intellekt pánin JOO-larǵa engizýdiń artyqshylyqtary qandai?
Meditsinalyq bilim berý júiesine jasandy intellektti engizý — bolashaq mamandardy XXI ǵasyrdyń talabyna sai daiyndaýdyń bir joly. JI tehnologiialaryn meńgergen jas dáriger:
-
Diagnostikada derekterge negizdelgen sheshim qabyldai alady. Bul emdeý sapasyn arttyrady jáne adami qatelikti azaitady.
-
Zamanaýi meditsinalyq jabdyqtarmen jumys isteýge beiimdeledi, sebebi kóptegen qurylǵylarda JI algoritmderi qoldanylyp jatyr.
-
Patsientterge jekelendirilgen kómek kórsetý qabileti artady, sebebi JI ár patsienttiń meditsinalyq tarihyna negizdelgen sheshimder usyna alady.
-
Meditsinalyq zertteýler men innovatsiialarǵa belsendi aralasýǵa múmkindik alady, óitkeni JI biomeditsinalyq málimetterdi taldaý úshin taptyrmas qural.
Sondai-aq, JI stýdentterdiń óz betimen bilim alýyn yntalandyrady, oqý qarqynyn jekelendirýge, óz bilim deńgeiin shynaiy baǵalaýǵa múmkindik beredi. Al oqytýshylar JI kómegimen bilim berý baǵdarlamalaryn jetildirip, stýdentterdiń úlgerimin naqty saralai alady.
