Balalardyń densaýlyǵy men qaýipsizdigin saqtaý memlekettik saıasattyń basymdyǵy bolyp tabylady. Memleket basshysynyń tapsyrmasy boıynsha onkogematologıalyq aýrýlar kezinde mamandandyrylǵan kómekti qosa alǵanda, balalar densaýlyǵyn damytýǵa baǵyttalǵan aýqymdy bastamalar iske asyrylýda,- dep habarlaıdy Dalanews.kz
🔹Onkologıalyq aýrýlarmen kúres jónindegi keshendi jospardyń sheńberinde balalar onkogematologıasyn damytý boıynsha júıeli jumys júrgizilýde.
Materıaldyq-tehnıkalyq bazany nyǵaıtýǵa, dári-dármekpen qamtamasyz etýdi jaqsartýǵa, balalarǵa arnalǵan ulttyq onkogematologıalyq ortalyq qurýǵa erekshe kóńil bólinedi.
🔹Elimizde dıagnostıka men emdeýdiń zamanaýı ádisteri engizildi: ımmýnogıstohımıa, ımmýnofenotıpteý, onkomarkerlerdi anyqtaý, súıekter men jumsaq tinderdiń sarkomalarynda joǵary dozaly hımıoterapıa, sondaı-aq 3D-modeldeý tehnologıalary men «ósip kele jatqan» endoprotezderdi qoldana otyryp aǵza saqtaıtyn operasıalar.
Nátıjeler men jetistikter:
● jyl saıyn 556 tósek bazasynda 5 myńǵa jýyq bala em alady;
● 2013 jyldan bastap 529 gemopoezdik diń jasýshasyn transplantattaý jasaldy;
● kóz torynyń isikteri úshin 90-nan astam selektıvti ıntraarterıalyq hımıoterapıa operasıasy jasaldy;
● jylyna súıek kemigin transplantattaýdyń 70-
dan astamy jáne súıek isikteri kezinde býyndardy endoprotezdeýdiń 15-y júrgiziledi;
● onkogematologıalyq patologıasy bar balalardyń 5 jyldyq ómir súrý deńgeıi 70%-ǵa jetedi, bul álemdik standarttarǵa sáıkes keledi.
Ozyq tehnologıalardy engizýdiń arqasynda balalardyń shetelge emdelýge jiberilý sany eki esege qysqardy. Eger 2019 jyly shetelde 36 tehnologıa túri boıynsha kómek kórsetilse, búginde – tek 19.
Biraq bala men otbasyn qoldaý terapıa kýrsynyń aıaqtalýymen aıaqtalmaıdy. Qazaqstanda operasıalar men transplantattaýlardan keıin tolyqqandy ómirge oralýǵa múmkindik beretin ońaltý baǵdarlamalary damýda. Balalarǵa pallıatıvtik kómek kórsetý úshin normatıvtik-quqyqtyq baza qalyptastyrylýda.
Budan basqa, Densaýlyq saqtaý mınıstrligi aýqymdy ınfraqurylymdyq jobalardy iske asyrýda, olardyń ishinde Ortalyq Azıadaǵy Ulttyq onkologıa ortalyǵynyń bazasynda balalardy emdeýge arnalǵan jalǵyz Proton ortalyǵy, «UMC» KQ-da 350 tósektik balalar hırýrgıasy korpýsy salynýda, Pedıatrıa jáne balalar hırýrgıasy ǵylymı ortalyǵynyń janynan 500 tósekke eseptelgen respýblıkalyq pedıatrıalyq klınıkanyń, onyń ishinde 200 tósekke arnalǵan balalar onkologıasy men gematologıasy ortalyǵynyń qurylysyn júrgizý úshin jobalyq-smetalyq qujattama daıyndalýda.
Jalpy, respýblıkalyq klınıkanyń qurylysy pedıatrıanyń negizgi baǵyttaryn biryńǵaı zamanaýı keshende biriktirýge, medısınalyq kómektiń sapasyn jáne mamandandyrylǵan qyzmetterdiń qoljetimdiligin arttyrýǵa, joǵary bilikti kadrlardy daıarlaý úshin jaǵdaı jasaýǵa múmkindik beredi.
Zamanaýı ortalyqtar qurý, sheteldik emdeýge táýeldilikti azaıtý, joǵary tehnologıalyq kómektiń qoljetimdiligin arttyrý – óskeleń urpaqtyń densaýlyǵyn saqtaý jáne onkogematologıalyq aýrýlary bar balalardyń ómir súrý sapasyn arttyrý sıaqty strategıalyq mindetterdiń oryndalýyn qamtamasyz etedi.
Búginde Qazaqstanda shamamen 7 mln bala turady - bul el halqynyń úshten biri. Balalarǵa medısınalyq kómekti qarjylandyrý: 264 mlrd teńgeden 585 mlrd teńgege deıin eki eseden astam ulǵaıtyldy.
