Reseıdiń Býrátıa respýblıkasyndaǵy qar kóshkininen qaza tapqandardyń arasynda Qazaqstan azamaty bar. Bul aqparatty Qazaqstannyń Syrtqy ister mınıstrligi rastady, dep habarlaıdy Dalanews.kz.

Vedomstvo málimetinshe, 28 sáýir kúni Reseıdiń quzyrly organdarynan 1990 jyly týǵan Qazaqstan azamaty A. Tıskııdiń qaza bolǵany týraly resmı habar túsken.

Qaıǵyly oqıǵa Mýı aýdany Irokında eldi mekeninen 13 shaqyrym jerde bolǵan. Aldyn ala derek boıynsha, qar kóshkininiń astynda alty adam qalǵan.

Syrtqy ister mınıstrliginiń habarlaýynsha, Qazaqstan elshiligi Reseıdiń tıisti organdarymen tikeleı baılanysta. Qazirgi ýaqytta oqıǵanyń barlyq mán-jaıy anyqtalyp jatyr.

"Bul másele mınıstrliktiń baqylaýynda", – dep málimdedi vedomstvo.