Qazaqstanda avtomobil joldarynyń boiynda jolaýshylarǵa arnalǵan namazhanalar salý jobasy qolǵa alyndy. Bul týraly QMDB Ýaqyp korporativtik qaiyrymdylyq qory habarlady, dep habarlaidy dalanews.kz.
Joba «QazAvtoJol» kompaniiasymen birlesip júzege asyrylady. Namazhanalar shalǵai jol ýchaskelerinde ornalasady. Olardyń janynan arnaiy dáret alý oryndary da qarastyrylady. Jobanyń basty ereksheligi – ǵimarattar jyl boiy paidalanýǵa yńǵaily etip salynady. Atap aitqanda, qysta jyly, jazda salqyn bolady.
Bastamanyń negizgi maqsaty – alys saparǵa shyqqan jolaýshylarǵa qulshylyqtaryn jaily jaǵdaida oryndaýǵa múmkindik jasaý. Sonymen qatar jol boiynda tazalyq pen qolailylyqty qamtamasyz etý kózdelgen. Joba aiasynda namazhanalardyń naqty qai óńirlerde jáne qashan salynatyny ázirge jariialanǵan joq.
