Qytaidyń Hainan aralynan Astanaǵa baǵyt alǵan 150-den astam jolaýshy bir táýlikten beri áýejaida reisin kútip otyr. Bul týraly Threads qoldanýshysy jazdy, dep habarlaidy dalanews.kz.
Jazba avtorynyń málimetinshe, jolaýshylar arasynda 30-ǵa jýyq qart adam men 20 bala bar. Reistiń ne sebepti keshikkeni jáne onyń qashan oryndalatyny jóninde naqty aqparat berilmegen.
"Balalar men qarttar áýejaidaǵy oryndyqtarda uiyqtap jatyr. Air Astana ókili jaǵdaidy naqty túsindire almady", – delingen jazbada.
Jolaýshylar áýe kompaniiasynan jedel túsinikteme berip, azamattardyń elge oralýyna jaǵdai jasaýdy surap otyr.
Ázirge Air Astana tarapynan oqiǵaǵa qatysty resmi málimdeme jariialanǵan joq. Redaktsiia áýe kompaniiasyna resmi saýal joldady.
