رەسەيدىڭ بۋرياتيا رەسپۋبليكاسىنداعى قار كوشكىنىنەن قازا تاپقانداردىڭ اراسىندا قازاقستان ازاماتى بار. بۇل اقپاراتتى قازاقستاننىڭ سىرتقى ىستەر مينيسترلىگى راستادى، دەپ حابارلايدى Dalanews.kz.
ۆەدومستۆو مالىمەتىنشە، 28 ءساۋىر كۇنى رەسەيدىڭ قۇزىرلى ورگاندارىنان 1990 جىلى تۋعان قازاقستان ازاماتى ا. تيسكييدىڭ قازا بولعانى تۋرالى رەسمي حابار تۇسكەن.
قايعىلى وقيعا مۋي اۋدانى يروكيندا ەلدى مەكەنىنەن 13 شاقىرىم جەردە بولعان. الدىن الا دەرەك بويىنشا، قار كوشكىنىنىڭ استىندا التى ادام قالعان.
سىرتقى ىستەر مينيسترلىگىنىڭ حابارلاۋىنشا، قازاقستان ەلشىلىگى رەسەيدىڭ ءتيىستى ورگاندارىمەن تىكەلەي بايلانىستا. قازىرگى ۋاقىتتا وقيعانىڭ بارلىق ءمان-جايى انىقتالىپ جاتىر.
"بۇل ماسەلە مينيسترلىكتىڭ باقىلاۋىندا"، – دەپ مالىمدەدى ۆەدومستۆو.
