اقتٶبەدە نەكە سارايىندا ٶلتٸرٸلگەن 26 جاستاعى ەيەل تٶرت بالانى تەربيەلەپ ٶسٸرگەن. قايعىلى وقيعادان كەيٸن ولاردىڭ ەكەۋٸ ۋاقىتشا بالالار ٷيٸنە ورنالاستىرىلدى, دەپ حابارلايدى dalanews.kz.
كتك تەلەارناسىنىڭ مەلٸمەتٸنشە, مارقۇمنىڭ تٶرت بالاسىنىڭ ەكەۋٸ كٷدٸكتٸمەن ورتاق. ەيەل قايتىس بولعاننان كەيٸن وسى ەكٸ بالا «ٷمٸت» بالالار ٷيٸنە ۋاقىتشا ورنالاستىرىلعان. ال قالعان ەكٸ بالانىڭ كٸمنٸڭ قامقورلىعىندا ەكەنٸ ەزٸرگە بەلگٸسٸز.
اقتٶبە وبلىستىق بالالاردىڭ قۇقىقتارىن قورعاۋ باسقارماسىنىڭ باسشىسى امانگەلدٸ قوناقباەۆ بالالاردىڭ جاعدايى مەملەكەتتٸك ورگانداردىڭ باقىلاۋىندا ەكەنٸن ايتتى.
«وتباسى جاعدايلارىنا بايلانىستى كەمەلەتكە تولماعان ەكٸ بالا «ٷمٸت» بالالار ٷيٸنە ۋاقىتشا ورنالاستىرىلدى. بۇل جاعداي وبلىستىق بالالاردىڭ قۇقىقتارىن قورعاۋ باسقارماسى مەن قۇزىرلى ورگانداردىڭ باقىلاۋىندا», – دەدٸ ول.
قايعىلى وقيعاعا نە سەبەپ بولعان?
پوليتسييانىڭ مەلٸمەتٸنشە, قىلمىس جاسادى دەگەن كٷدٸككە مارقۇمنىڭ بۇرىنعى ازاماتتىق نەكەدەگٸ كٷيەۋٸ ٸلٸنگەن. ەكەۋٸ شامامەن ٷش جىل بٸرگە تۇرعان. الدىن الا مەلٸمەت بويىنشا, ولاردىڭ اراسىندا اتا-انا قۇقىعىنان باس تارتۋ مەسەلەسٸنە بايلانىستى جانجال شىققان. دەگەنمەن وقيعانىڭ ناقتى سەبەبٸ مەن باسقا دا مەن-جايى تەرگەۋ بارىسىندا انىقتالادى.
ەسكە سالايىق, 3 قاراشادا اقتٶبەدەگٸ نەكە سارايىندا 26 جاستاعى ەيەلدٸ ٶلتٸرٸپ كەتكەن. وقيعا ورنىنا بارعان پوليتسييا قىزمەتكەرلەرٸ كٷدٸكتٸنٸ ۇستاپ, ۋاقىتشا ۇستاۋ يزولياتورىنا قامادى.
اتالعان دەرەك بويىنشا قىلمىستىق ٸس قوزعالدى. قازٸر تەرگەۋ امالدارى جالعاسىپ جاتىر.
