الماتى پوليتسييا دەپارتامەنتٸ ەيەل ادام قىزمەتتٸك مٸندەتٸن اتقارىپ جٷرگەن پوليتسييا قىزمەتكەرٸنە قاتىستى ارانداتۋشىلىق ەرەكەت جاساعانىن مەلٸمدەدٸ, دەپ حابارلايدى dalanews.kz.
ول پوليتسەيدٸڭ فورماسىن حەللوۋين كوستيۋمٸنە بالاعان. نەتيجەسٸندە ەزٸل رەتٸندە باستاعان ەرەكەتٸ ەكٸمشٸلٸك جاۋاپكەرشٸلٸككە ۇلاسىپ, 130 مىڭ تەڭگەگە جۋىق ايىپپۇلمەن اياقتالدى.
وقيعا 31 قازاندا كەشكٸ ۋاقىتتا اربات جاياۋ جٷرگٸنشٸلەر كٶشەسٸندە بولعان. سول كٷنٸ ۋچاسكەلٸك پوليتسييا ينسپەكتورى مەرەكەلٸك ٸس-شارالار كەزٸندە قوعامدىق تەرتٸپ پەن تۇرعىنداردىڭ قاۋٸپسٸزدٸگٸن قامتاماسىز ەتٸپ جٷرگەن. وسى كەزدە وعان قولىنا كامەرا ۇستاعان ەيەل كەلٸپ, پوليتسەيدٸڭ فورماسى "حەللوۋين كوستيۋمٸ ەمەس پە?" دەپ ەدەيٸ سۇراق قويعان.
پوليتسييا قىزمەتكەرٸ سابىر ساقتاپ, ٶزٸن تانىستىرىپ, قىزمەتتٸك كۋەلٸگٸن كٶرسەتكەننەن كەيٸن جۇمىسىن جالعاستىرعان. الايدا وقيعا تٷسٸرٸلگەن ۆيدەو ەلەۋمەتتٸك جەلٸدە جارييالانىپ, جاعداي جەلٸ قولدانۋشىلارىنىڭ نازارىنا ۇسىنىلعان. ۆيدەو اۆتورىن المالى اۋداندىق پوليتسييا باسقارماسىنىڭ قىزمەتكەرلەرٸ انىقتادى. ول الماتى قالاسىنىڭ 47 جاستاعى تۇرعىنى بولىپ شىقتى.
ەيەل ەكٸمشٸلٸك جاۋاپكەرشٸلٸككە تارتىلدى. سوت شەشٸمٸمەن وعان 30 اەك مٶلشەرٸندە ايىپپۇل سالىندى.
