Qazaq úıde jartylaı jalańash bılep, jurttyń ashýyna tıgen horeograf Alısher Sultanbekulynyń isine qatysty saraptamanyń alǵashqy nátıjesi shyqty, - dep habarlaıdy Dalanews.kz. 

Bas prokýratýra Alısher Sultanbekulynyń isine qatysty sotqa deıingi tergeý júrgizgen bolatyn. 

Qazaq úıde high heels stılinde (bıik óksheli aıaq kıimmen bıleý) bılegen Sultanbekulyna májilis depýtattary shaǵymdanyp, Bas prokýratýraǵa suraý hat jazǵan bolatyn. Depýtattar bıshiniń ónerine zań turǵysynan baǵa berýdi surady. 

Halyq qalaýlylary bul -"qazaqtyń ulttyq kıimi men mádenıetin qorlaý" dep málimdedi. Bıyl shildede Bas prokýratýra depýtattardyń narazylyǵyna jaýap berip, Sultanbekovke qatysty sotqa deıingi tergeý bastalǵanyn habarlady. 

Horeograf Qylmystyq kodekstiń 174-baby (Áleýmettik, ulttyq, rýlyq, násildik, tektik-toptyq nemese dinı alaýyzdyqty qozdyrý) boıynsha aıyptalýy múmkin. Eger onyń kinási dáleldense Alısher Sultanbekov jeti jylǵa bas bostandyǵynan aıyrylýy múmkin. 

Qazirgi tańda, "Kýrsıv" málimetteri boıynsha, bul iske qatysty saraptama jasalǵan. Alǵashqy memlekettik saraptama nátıjesi boıynsha, qazaq úıdegi bıde qylmys quramy joq.  

"Qazirgi tańda qosymsha saraptamanyń nátıjesin kútip otyrmyz. Birinshi saraptama nátıjesi boıynsha - qylmys quramy joq", - deıdi bıshi "Kýrsıvke". 

Qazaqtildi aýdıtorıa Sultanbekulynyń áreketin «kıelige qol suǵý» retinde baǵalady. Qazaq halqy úshin kıiz úı — qarapaıym qurylystan áldeqaıda úlken maǵynaǵa ıe, ol ǵasyrlar boıy qalyptasqan ulttyq mádenıetimizdiń sımvoly jáne rýhanı mura. Qazaqtardyń mádenıeti syrtqy álemniń áserinen ózgeriske ushyraǵan kezeńderde, kıiz úı sekildi ulttyq nysandar óziniń mán-maǵynasyn saqtap qaldy. Bı avtorlarynyń áreketi qazaq halqynyń rýhanı qundylyqtaryna qarsy shyǵý retinde baǵalandy.

"Sultanbekuly men onyń jaqtastary bul bıdi «jáı ǵana ózindik kórinis» dep túsindirgenimen, mádenıet pen salt-dástúr tek estetıka ǵana emes, ulttyq sana men bolmystyń mańyzdy bir bóligi ekenin esten shyǵarýǵa bolmaıdy", - deıdi qazaqtildi qaýym.