«Ordabasy» ulttyq tarihi-mádeni qoryǵynyń uiymdastyrýymen Atyraý oblysy, Mahambet aýdany, Saraishyq aýylynda ornalasqan «Saraishyq» memlekettik tarihi-mádeni mýzei qoryǵynda «Ordabasy kóne zamannan búginge deiin» taqyrybynda kóshpeli kórme ótip jatyr. Onda Túrkistan óńiriniń tarihy keńinen tanystyrylýda.
Kórmeniń ashylý saltanatynda «Saraishyq» mýzei-qoryǵynyń direktory, t.ǵ.d professor Muhtar Ábilseiit sóz sóilep, kórmeni uiymdastyryp otyrǵan «Ordabasy» qoryǵynyń ujymyna alǵysyn bildirdi.
Óz kezeginde Saraishyq aýylynyń ardagerler keńesiniń tóraǵasy Hadim Sisenǵaliev kórmeni uiymdastyrýshylarǵa sáttilik tiledi. Sonymen qatar sharada «Ordabasy» tarihi-mádeni qoryǵynyń tarihi-mádeni muralardy qorǵaý bóliminiń basshysy Jumabek Tashbaev kórmeniń ótýine qoldaý bildirgen atyraýlyq áriptesterine mýzei basshylyǵy atynan rizashylyqtaryn jetkizdi.
Kórmede «Ordabasy» ulttyq tarihi-mádeni qoryǵy qoryndaǵy 100-ge jýyq arheologiialyq jádiger qoiylǵan. Onda tamyryn tereńge jaiǵan óńirdiń eskertkishteri, kóne tas dáýirinen bastap, erte qola dáýiri, Saq, Qańly, Túrkesh, Qarahan dáýiriniń qundy jádigerleri kórermen nazaryna usynylyp jatyr. Kórme jumysy Atyraý oblysynda 26 qyrkúiekke deiin jalǵasady.
Aita keteiik, QR Mádeniet jáne aqparat ministrligi Mádeniet komitetine qarasty «Ordabasy» ulttyq tarihi-mádeni qoryǵy 1993 jyly ashylǵan. Qazirgi tańda jalpy qorda 1500-den astam jádiger bar. Negizgi qor 300-ge jýyq ár kezeńge qamtityn jádigerlerden turady.
